رۆمانەكا من گەلەك دانە ژێ هاتە فرۆتن
سۆلین سلێمان:
ئەكتەر و نڤیسكار (دلنیا محەمەدی) كو ژ رۆژهەلاتێ كوردستانێ یە، د دیدارەكێ دا بۆ رۆژنامەیا ئەڤرۆ گۆت: هەتا نوكە وەكو ئەكتەر من پشكداری د دوفلمان دا كریە، وەكو نڤیسەر ژی من هژمارەكا پەرتووكان چاپكرینە، كو هندەك ژوان گرێدای ئەدەب و رەوشەنبیریا زارۆكانە و رۆمانەكا من ب ناڤێ (جێی پێی باران) دەنگڤەدانەكا باش هەبوو و گەلەك هاتە فرۆتن، پشتی وێ من چەند پەرتووك بۆ زارۆكان ژی چاپكرن.
هەروەسا گۆت: دەمێ ژمن دهێتە خواستن كو پشكداریێ د فلمەكی دا بكەم، بەری هەر تشتەكی ئەز داخوازا سیناریۆیا وی فلمی دكەم و باش دێ خوینم پاشی دێ بڕیارا خوە دەم كو پشكدارببم یان نە و بۆچوونا مالێ ژی بۆ هەر تشتەكی وەردگرم، چنكو هەردەم ئەو پالپشت و پشتەڤانێن من یێن سەرەكی بووینە.
