رۆنالدۆیێ به‌رازیلی یانه‌کا ئیسپانی كری
ئەڤرۆ نیوز ، زنار تۆڤی:
رۆنالدۆیێ بەرازیلی ب فەرمی پشکەکا یانا بەلەدلوەلید یا ئیسپانی کری.
مالپەرێ فەرمی یێ یانا بەلەدلوەلید کو ڤی وەرزی پشکداری د لالیگایێ دا کریە، بەلاڤەکریە کو یاریزانێ بەرێ یێ هەلبژارتیێ بەرازیل و هەردو یانێن بارسێلۆنا و ریال مەدرید 51% ژ پشکا وێ یانێ کریە و ژ ئەڤرۆ وێڤە دێ بیتە سەرۆکێ وێ یانێ.
رۆنالدۆ نازاریۆ، خودان و سه‌رۆكێ نوو یێ یانا بەلەدلوەلید دبێژیت: ئه‌ركێ مە پێشخستنا ڤێ یانێ یە د خول و قارەمانیان دا ب رێیەکا گونجای، ئه‌ڤ تشتە دێ ناسناما مە د ناڤ و ده‌رڤەی یانێدا ده‌ستنیشان کەت.
ئەو ژی گۆتیە، ئەم كار دكه‌ین بۆ هندێ کو باشترین پێدڤیاج بۆ یانێ دابین بكه‌ین و شیانێن مە ژی د سنوردارن، پێدڤیە هزر د یارییێن داهاتیدا بكه‌ین، دیسا پێدڤیه كار بۆ به‌رژره‌وه‌ندیا یانێ و ڤی باژێری و هانده‌ران بكه‌ین.
