رۆنالدۆ داخوازا لێبۆرینێ دکەت
ئەڤرۆ نیوز ، زنار تۆڤی :
كریستیانۆ رۆنالدۆی داخوازا لێبورینێ ژ پشتەڤانێن یانا ریال مەدرید كر بەرامبەر وان گوتێن وی ل دەمێ ئاهەنگ گێرانا ب دەستڤەئینانا ناسناڤێ خولا قارەمانێن ئورۆپا کو تێدا بەحسێ چارەنڤیس و مانا خوە ل یانا شاهانە كربوو.
ل شەمبیا بوری یانا ریال مەدرید ل یاریا دوماهیێ یا خولا قارەمانێن ئورۆپا ب ئەنجامێ 3-1 گۆل ژ یانا لیڤەرپوول یا ئنگلیزی بریە و بۆ سالا سیێ ل سەر ئێك و 13 مین ناسناڤێ وێ خولێ ب دەستڤەئینا.
رۆنالدۆی ل دمێ ئاهەنگ گێرانا ب دەستڤەئینانا وی ناسناڤیدا راگەهاندبوو ،کو ئەو دلخۆشبوویە د ماوێ چەند سالێن بوریدا ل رێزێن یانا ریال مەدرید دا یاری كریە و جەخت ل هندی كربوو کو ل ئاییندەکێ نێزیكدا دێ بریارێ ل سەر چارەنڤیس و مانا خوە ل وێ یانێ دا دەت.
هەروەسا گوتیە : ئاخفتنێن ب وی شێوەی نەبوون كو دەزگەهێن راگەهاندنێ وەرگێراین ، بەلێ ب هیچ شێوەکێ ژ ئاخفتنێن خوە یێ پەشیمان نینم، چونكی د ماوێ بوریدا روودانێن نەخواستی رووداینە، جەخت ل هندێ دکەم كو هەموو كێشە ب پارەی ناهێنە چارەسەر کرن.
دیسا گوتیە: هەکە یێ راستگۆبم ل گەل هەوە ، یا دیار نینە کو دێ ل گەل یانا ریال مەدرید مینم یان نە، بەلێ نوکە دەمێ ڤان ئاخفتنان نینە، چونكی ریال یا ل دەمێ ئاهەنگ گێرانێ ب ئەگەرێ تۆماركرنا مێژوویەكا مەزن.
