رۆنالدۆ: نووكرنا گرێبەستێ پێدڤی ب دەمی هەیە
ستێرێ پۆرتۆگالی و یاریزانێ یانەیا نەسر یا سعۆدیێ كریستیانۆ رۆنالدۆ هەموو بزاڤێن یانەیا خوە هێلانە هەلاویستی پشتی د دووماهی داخویانییا خوە دا دیار كری ئەو پێدڤی ب دەمی هەیە هەتا بەرسڤێ ل سەر ئۆفەرا نووكرنا گرێبەستا خوە بدەت، ئەوا بڕیارە گرێبەستا وی ل هاڤینا سالا2024ێ ب دووماهی بهێت.
ل دووڤ راپۆرتا تۆڕا ssc.sports یا سعۆدیێ دیار كر بەرپرسێن یانەیا نەسر ب ئۆفەرەكا نوو و بوهایەكێ زێدەتر یێ گرێبەستێ ژ وەرزێ بۆری بۆ كریستیانۆ رۆنالدۆیی هنارتییە پێخەمەت نووكرنا گرێبەستا خوە هەتا هاڤینا سالا 2026ێ، ئەڤ پێنگاڤە بوویە جهێ دلخوەشییا پشتەڤانێن یانەیا سعۆدی لێ نە بەرسڤدانا رۆنالدۆی ب ئۆفەرا بۆ هاتی گۆمان بۆ ئەوان پشتەڤانان پەیداكرییە كو دبیت گرێبەستا خوە نوو نەكەت.
هەمان تۆڕا راگەهاندنێ دیار كر نووترین داخویانییا رۆنالدۆی هاتییە دیار كر كو ئەو د نوكە دا بەرسڤێ نا دەت ژبەركو ئەو پێدڤی ب دەمی هەیە، شرۆڤەكارێن وەرزشی خویاكرییە كو دبین گرێبەستا خوە نوو بكەت لێ هندەك مەرج هەنە لەوما داخوازا دەمی كرییە، هەرچەندە خێزانا وی ژی ل سعۆدیێ یا دلخوەشە و حەز دكەن بمینن.
بۆ زانین ل دووڤ پەیچێ ترانسفر ماركێت یا جیهانی كریستیانۆ رۆنالدۆیی 75 یاری ب درێسێ زەر پشكداربوویە، 67 گۆل تۆماركرینە و 18 گۆل ئەسێست هەنە.
