رۆناهیا شانۆیێ
هه‌رهین محه‌مه‌د
رۆناهیا شانۆیێ ئه‌و هونه‌رێ زانستی یه كو گه‌له‌ك جورێن تیشكێن رۆناهیێ بكاردهێت وه‌كو رۆناهی و سیبه‌ر و دشێت نه‌مایشه‌كێ ب شێوه‌كێ جوان و ب هه‌ست و راسته قینه به‌رچاڤ بكه‌ت و بۆ ئه‌ڤی كاری ژ پێدڤی ب گه‌له‌ك تایبه‌تمه‌ندیا یه هه‌تا كو كارێ رۆناهیا شانویێ بهێته‌كرن وه‌كو كومه‌كا ئامیرێن رۆناهیێ و سیسته‌مێكونترولكرنا ب رێڤه‌برنێ و شێوازێ دابه‌شكرنێ و و ئامرازێن گه‌هاندنا په‌یامێ، ئانكو رۆناهیا شانویێ وه‌كو زمانه‌كێ دیاره و دشێت بێ ئاخفتن، له‌ورا دبینم كه‌سێن ب رۆناهیا شانویێ رادبن گرنگه ئه‌كادیمی بیت و بزانیت ل كیژ لایی دێ رۆناهیێ كێم كه‌ت و كیژكێ زێده‌كه‌ت و ل كیڤه كه‌ته سیبه‌ر و دشانویێ دا كه‌سێ ب رۆناهیێ رادبیت گرنگه ده‌قێ شانویێ هه‌موویێ بخۆینت و ل هه‌ر دیمه‌نه‌كی دا بزانیت دێ كیژ رۆناهیێ دانیت و ل ئه‌وی ده‌می كارێ وی كه‌سی دیاردبیت یێ بكارێ رۆناهیێ رادبیت و هه‌روه‌سا رۆناهیا شانویێ و یا دراما و تیڤی و به‌رنامه‌یان ژێكجودایه.
رۆناهیا شانویێ ئاسانكرنه‌كه بۆ ده‌رهێنه‌ری و ئه‌كته‌ران و دشێن ل گه‌ل رۆناهیێ بزانن دێ كیژ دیمه‌ن ده‌ستپێكه‌ت و دیسان جوانیه‌كا دی دده‌ته شانویێ و بۆ چاڤێ بینه‌ری ژی خوه‌ش دبیت و دشانویێ دا رۆناهیێ گرنگیا خوه هه‌یه و بینه‌ر پێڤه هێته‌گرێدان و ب شێوه‌كێ كاریگه‌ر كارتێكرنا خوه دكه‌ته سه‌ر بینه‌ری و ئه‌و چه‌نده ژی وه‌دكه‌ت كو بۆ گه‌له‌ك جاران ئه‌و شانو بهێته نمایشكرن ل گه‌له‌ك جهان و هه‌ردیسان دبیته ئه‌گه‌ر كو بینه‌ره‌كێ مه‌زن بهێت ژ بۆ دیتنا شانویێ نمونه ژی ل سه‌ر ئه‌ڤێ چه‌ندێ ده‌مێ شانو ل سه‌ر جادێ دهێته نمایشكرن بینه‌ره‌كێ تایبه‌ت هه‌یه ئه‌و بینه‌ره یێكو بۆ گه‌شتێ هاتیه وی جهی، یان بۆ گه‌ریا و ناكه‌ڤیته دناڤ كه‌ش و هه‌وایێ شانویێ و ره‌نگان دا دبیت بتنێ سێ چارخوله‌كان ل ئه‌وی جهی بیت و زه‌وقێ وی لێنه‌ده‌ت ب دووماهی بینت، له‌ورا شانویا دهولان ڤه دهێته نمایشكرن و ب رۆناهی بیت گه‌له‌ك بینه‌رێ خوه هه‌یه.
