رۆناهیهك ل سهر بڕیارێن سهرۆك مهسعوود بارزانی
پشتی سهرۆكێ ههرێما كوردستانێ رێزدار مهسعوود بارزانی ل دۆر چاكسازیێ و ژ پێخهمهت ڕێكخستنا كاروبارێن كارگێڕی و دارایی پێخهمهت شهفافیهتێ و خزمهتا بهرژهوهندیێن گشتی، دیسان ب مهبهستا زێدهتر ڕێكخستنا كاروبارێن حوكمهتا ههرێما كوردستانێ و ئهنجامدانا چاكسازی و چارهكرنا كێم و كاسیێن ل ناڤ دامهزراوێن حوكمهتا ههرێمێدا ل رێكهفتی 10/2/2016ێ چهند بریارهكێن گرنگ ڕاگههاندین، من خواست رۆناهیهكێ بدهمه سهر رۆلێ كاریگهرێ بهرێز سهرۆكێ ههرێمێ، كو ههردهمێ ئهو بڕیار بكهڤنه وارێ كریاری. ئێدی چ قهیران نامینن و موزایهدێن سیاسی یێن ڤی لای و لایێ هه و ڤی كهسی و كهسێ هه كارتێكرنێ ناكهن!!
پێنهڤێت بریارێن سهرۆكی دانپێدانن ب ههبوونا سهدان پێشێلكاری و قوَرخكرنا كۆمپانی و پرۆژه و سهختهكاری و گهندهلیێ ژ لایێ چهندین بهرپرس و كاربهدهستێن ههرێما كوردستانێ ڤه بۆ نموونه دهست ب سهرداگرتنا 276 ملیار دینارێن ژنه بازرگانهكا پترۆلێ و دیسان بهری ماوهیهكی كریستۆڤهر هێڵ – بالیۆزێ ئهمریكی یێ بهرێ ل عیراقێ ئاماژهدا ناڤێ شهش كۆمپانیێن كوردستانێ كو80 ملیار دۆلار ههنه (ههرچهنده وی رهتكریه لێ پڕانیا خهلكی دزانن و هێژ پترن) ب پارهیێ وان كۆمپانیان و دبیت گهلهك كۆمپانیێن دی ژی ههبن ئهگهر سهر ب حوكمهتا ههرێما كوردستانێ ڤه بانه قهیرانا دارایی دا چارهبیت، لهورا پێویسته خودانێن كۆمپانیان ب گیانهكێ مرۆڤایهتی ههر چ زووتره كۆمپانی و دراڤی رادهستی حوكمهتا ههرێما كوردستانێ بكهن.
دا ئهوا ب سایا سهرۆكی و پێشمهرگێن دلێر و ئهڤ دهلیڤا زێڕینا بۆ مه هاتی ژ دهست مه نهچیت و دیرۆك و نهڤیێن مه نهفرهتا ل مه نهبارینن، دێ بلا كۆمبوونهكا پاكسازی و بنبڕكرنا گهندهلیێ بهێته كرن و سامان و سهروهتێ نه یاسایی بكهنه مووچه و پرۆژێن بهرههمدار، دێ بلا ههموو خودانێن مووچێن نه یاسایی ئهوێن ب خزمهتهكا كێم خانهنشین بووین و هێشتا گهنج بهێنه گازیكرن و ژێك بهێنه ڤاڤارتن، دێ بلا درمهكێ دهست نیشانكری بۆ ههموو گهندهلچییان و سهختهكاران بهێته دهست نیشانكرن كو ههر چ سامانێ گشتی یان ههرچ سهختهكاری و دراڤێ نهیاسایێ ههیه بدهنه دهست جهێن پهیوهندیدار و چاخێ ئهو دهم ب داوی هات ڤهكۆلین و لێپێچینێن یاسایی ب دژوارترین سزا ل سهر وان بهێتهكرن، من باوهره مللهتی ئهڤه دڤێت!!
لهورا چاره نینه ئهگهر رازیكرنا مللهتی نهبیت و رازیبوون نینه ئهگهر لێپێچینا گهندهلچیان نهبیت و ژێستاندنا ههموو دراڤ و سامانێن ڤهگوهاستی و نه ڤهگوهاستی و بهلاڤكرنا وان ل سهرمللهتێ ستهمدیده و كهس نینه ب ڤی ئهركی رابیت ئهگهر رێزدار مهسعوود بارزانی سهرۆكێ ههرێمێ نهبیت و ههموو دهزگایێن پارتی و میری و ئیداری و لهشكهری و ئێمناهی و داد و راگههاندنێ ژ گهندهلچییان پاك ببن و كهسێ گونجای بداننه جهێ گونجای و پاشی دهست ب ریفراندۆما سهرخوهبوونا كوردستانێ بهێته كرن.
ههرچهنده بهرێز د. محهمهد سالح جومعه شیرهتكارێ سهرۆكی د دیدارهكێدا وهسا دیاردكهت كو ریفراندۆم بهێتهكرن یان نه ل دووڤ نهخشێ نوویێ رۆژههلاتا ناڤین پشتی بوورینا سهد سالێن رێكهڤتنا سایكس-پیكۆ ههردوو پارچێن باشوور و رۆژئاڤایێ كوردستانێ ههتا كنارێ دهریا سپی دێ بنه دهولهتهكا سهربخوه، لێ ب دیتنا من ئهگهر ئهم ههڤ نهگرین و رهوشا مه یا ناڤخوه ل بار نهبیت خهونا مهیا دهولهتبوونێ ب جهناهێت، چنكو یا دیاره ماف ناهێنه دان لێ دهێنه ستاندن.
ب جهئینانا بڕیارێن سهرۆكێ ههرێما كوردستانێ دێ قهیرانا دارایی و ههموو قهیرانێن دی چارهبن، لێ ب مهرجهكی ههموو لایهنێن دهسهلاتدار ب تایبهتی یهكێتی نشتیمانی كوردستان ههڤكاربن و بهرنامهیهكێ ههڤ شێوێ ڤان بڕیارێن بهرێز سهرۆكێ ههرێمێ ههبیت و ب باوهری و ههماههنگی یا ههموو لایهنا ئهڤ بڕیاره ب كریار ب جهبێت.
تهنێ من تێبینیهك ههیه ل سهر خالا چوارێ ژ بریاران ئهو ژی لێپێچین ل ههردوو وهزارهتێن پێشمهرگه و شههید و ئهنفالكریان بهێته كرن، خهلكهك ل سهر حیسابا پێشمهرگه و شههید و ئهنفالكری و زیندانیێن سیاسی ب پلێن جودا جودا خانهنشینكرینه ب پهسهندێن ڤی لای و لایهنێ هه، دیسان دڤێت ل گۆڕهی یاسای مالبات و وێرسێن شهرعی كو پێكهاتینه ژ (دایك و باب و ژن و زارۆكێن وان ئهوێن ژیێن وان كێمتر ژ ههژدهسالیێ ئهگهر مابنه ساخ) یێن ئهوێن نهماینه ساخ بهروَڤاژی وێ چهندێ خووشك و برا و كور و كچ و نهڤیێن وان ژ وی مووچێ خانهنشینیێ بێبههر بكهن.
ئهم ژ مێژه چاڤهرێی بووین سهرۆك بارزانی وهكو سهرۆكێ ههرێمێ و سهرۆكێ پارتی، ژ بهر قهیرانا دارایی و ژیانا نهخوهشا خهلكێ كوردستانێ ڤان بڕیارێن گرنگ و چارهنووسسازژ پێخهمهت چاكسازیێ و كێمكرنا كارتێكرنا قهیرانان ل سهر ژیانا كوردستانیان بدهت.
جهێ دلخوهشیا مهیه سهرۆكی بهری ههر جههكی ژ پارتا خوه دهستیپێكر، رژدی و كاریگهریا بڕیاران ژی ههر ئهوه كو سهرۆك كهسێ سهرپێچكار كی بیت لێ نهبووریت.
ههڤدهمی وان بریاران سهرۆكی پهیامهكا روون ئاشكرا ژی بۆ سهرجهم لایهنێن سیاسی ههیه ودب ێژیتێ: (كوردستانێ پێویستی ب گاڤێن وێرهك و دوور ژ مزایهداتان ههیه، كهرهمكهن ئهڤه من ژ مالا خوه دهستپێكر، هوون ژی ئهگهر د خهما مللهتی و راستڤهكرنا ئیدارێ و چاكسازیێ دانه، كهرهمكهن ژ خوه و مالا خوه دهست پێبكهن و ئێدی سهرێ مللهتی ب مزایهداتان و شهڕێ راگههاندنێ نه ئێشێنن. )
یا دیاره تهنێ پارتی زێدهگاڤی و گهندهلی نینن لایهنێن دی ژی زێدهگاڤی و گهندهلكار ههنه، حوكمهت ژی یا سهرجهم لایهنانه نهك تهنها یا پارتی یه. لهوما فهرموون پێكڤه بۆ مللهتی و كوردستانێ بزاڤێ بكهین و پێ ل سهرجهم بهرژهوهندیێن پارتایهتی و تاكهكهسی دانین بهرهڤ چاكسازی و پاكسازیێ پاشی ریفراندۆم و سهرخوهبوونا كوردستانێ.
