رۆهنکرنەك ژ نەخوه‌شخانا ئازادی
ئه‌ڤرۆنيوز:
بەرپرسێ کارگێریا نەخوه‌شخانا ئازادی ل دھوکێ بو نوش نیوز دیارکر، ل نەخوه‌شخانا ئازادی ھەر ئێک ژ شیرەتکاریا دل وھناڤان و شیرەتکاریا دلی و شیرەتکاریا نەشتەگەریان و شیرەتکاریا نەخوەشیێن دەرونی و شیرەتکاریا مێشکی و نەخوه‌شیێن گران و پیستی و گوهـ و دفن و گەوریا و سینگی ل نەخوه‌شخانا ئازادی يێن هه‌ين و ب باشترین رەنگ ئەم خزمەتا خەلکێ خوە دکەین.
نزار سالح سەلیم ، بەرپرسێ کارگێریا نەخوه‌شخانا ئازادی بۆ (نوش نيوز) گۆت” ژبەر کو رەوشا داراىی یا خەلکێ مە یا باش نینە، ھەموو رۆژان پتر ژ (١٠٠) کەسان سەرەدانا نەخوه‌شخانا ئازادی دکەن و گەلەک شيره‌تكارى رۆژانە پتر ژ (٢٠٠) کەسان چارەسەریێ بۆ دکەن”.
گۆت ژى” د چەند رۆژێن بوری دا هنده‌ك گوت گوتک ل تورا یا فەیسبووکی بەلاڤ بووينە کو بھایێ پلێتا چونا نوشداری ل نەخوه‌شخانا ئازادی ژ (٥٠٠) ديناران بۆ (٣٠٠٠) دیناران گران بویە، به‌لێ ئەم بۆ خەلکێ خوە پشت راست دکەین ل دانێ سپێدەھیان هه‌ر وه‌كو خوه‌يه.
