رۆژانه دایكا شه‌هیده‌كی دهێته چایخانه‌كێ وێنێ كۆڕێ خوه ماچی دكه‌ت
دهۆك، شاكر ئه‌تروشی:
رۆژانه دایكا شه‌هیده‌كی، كو كۆڕێ وی ل شه‌ڕێ دژی داعش ل شنگارێ شه‌هید بوویه، ژمال ده‌ردكه‌ڤیت و دهێته چایخانا شه‌هیدان ل ناڤ بازارێ دهۆكێ، وێنێ كۆڕێ خوه ماچی دكه‌ت و جاره‌كا دی ب چاڤێن پری گری رۆندكڤه دزڤریته مالا خوه و ئه‌و كه‌سێن ل چایخانێ ژی دروونشتی بۆ وێ دایكا جه‌گه‌ر سۆتی و كۆڕێ وێ یێ نه‌گه‌هشتی ببیته زاڤا دكه‌نه گری.
مه‌تین دۆسكی، خودانێ وێ چایخانێ بۆ رۆژناما ئه‌ڤرۆ گۆت: ئه‌ڤه دایكا شه‌هید (ته‌وفیق لوقمان شنگاری) یه، كۆڕێ وێ ل رۆژا 8/3/2014 ل میحوه‌رێ شنگارێ ل شه‌ڕێ دژی داعش شه‌هید بوویه و پشتی شه‌هدیبوونا كۆڕێ خوه تووشی خه‌مۆكیه‌كا مه‌زن بوویه، له‌ورا رۆژانه ژمال ده‌ردكه‌ڤێت و دهێته چایخانا شه‌هیدان و ده‌مێ ب ژۆر دكه‌ڤیت ئێكسه‌ر دچیت بێهنه‌كێ ل به‌رامبه‌ر وێنێ كۆڕێ خوه دراوستیێت، پاشان تێر ماچی دكه‌ت و ب چاڤێن پڕی گری و رۆندكڤه دزڤریته مالا خوه و هه‌ر رۆژه‌كا دهێت ده‌مێ وێنێ كۆڕێ خوه ماچی دكه‌ت ئه‌ز و هه‌موو كه‌سێن ل چایخانێ دروونشتی ل گه‌ل وێ دكه‌ینه گری، چنكو كۆڕێ وێ د ده‌زگریێ دا بوو دا شه‌هیانا خوه كه‌ت، لێ به‌ری ئه‌نجامدانا شه‌هیانێ هاته شه‌هیدكرن و هه‌تا نوكه ده‌زگرا وی د مالا بابێ خوه دا مایه.
