رۆژانێن خوه ل گه‌ل شێری و ماری و پلنگی د بۆرینیت
دهۆك، هه‌رهین محه‌مه‌د:
كارزان حه‌سه‌ن، راهێنه‌رێ گیانه‌وه‌رێن مه‌ترسیدار ل باخچێ گیانه‌وه‌ران ل دهۆكێ، د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه بۆ ده‌مێ چارده سالایه ئه‌و ل وی جهی كار دكه‌ت، تێكه‌لیا وی پتر ل گه‌ل گیانه‌وه‌رێن مه‌ترسیداره وه‌كو (شێر و پلنگ و مار) وی ئه‌ڤ گیانه وه‌ره هه‌لبژارتینه چونكو گه‌له‌ك حه‌ز ل سه‌ر وان جۆره گیانه‌وه‌ران هه‌یه و ده‌مێ دبچووك وان ب خودان دكه‌ت و ده‌مێ ژیی َوان دبیته هه‌یڤ و نیڤ ژده‌ڤ دایكێن وان رادكه‌ن و ب شیری و سینگێ مریشكێ مه‌زن دكه‌ن و هێدی هێدی كه‌هی دبن و كه‌هیكرنا گیانه‌وه‌رێن مه‌ترسی دار نه‌تشته‌كێ ب ساناهی یه و پێدڤیه مرۆڤی سه‌ربۆر هه‌بن و بزانیت دێ چاوا كه‌هی كه‌ت و یا پێدڤیه ل سه‌ر وی یێ گیانه‌وه‌ران كه‌هی بكه‌ت هه‌موو ده‌مێ خوه بده‌تی َهه‌تا كو ئه‌و گیانه‌وه‌ر كه‌هی بیت دا كو وی بنیاسیت و ل مرۆڤی خاین نه‌بیت ب تایبه‌تی شێرۆ پلنگ نابیت مرۆڤ پشتا خوه بده‌تێ ده‌مێ كه‌هی دبیت.
هه‌روه‌سا گۆت: ئوز رۆژانێن خوه هه‌موویان ل گه‌ل گیانه‌وه‌ران دبۆرینم و گه‌له‌ك ل گه‌ل شێرۆ پلنگی و ماری یێ ئارامم، چونكو ژبچووكاتی فێری من بووینه و حه‌زا من بۆ گیانه‌وه‌ران نه تشته‌كێ ژنیشكه‌كێ ڤه بوو ژبه‌ركو حه‌زا من یا زارۆكینیێ گیانه‌وه‌ر بووینه و ئه‌ڤ جۆره گیانه‌وه‌ره ب تنێ ب راهێنه‌ری َخوه ڤه هاتینه گرێدان و دبیت بۆ هه‌موو مرۆڤان د وه‌سا نه‌بن.
