رۆژانە داهێنانێ د كارێ خوە دا دكەم
هەرهین محەمەد:
هۆگر خەلیل، دەرهێنەر ل رادیۆیا دهۆك، د دیدارەكێ دا بۆ رۆژنامەیا ئەڤرۆ دبێژیت: ئەڤە (22) سالن ئەز ل رادیۆیا دهۆك كاردكەم و گەلەك حەزژ كارێ خوە دكەم و دلێ من ژێ سار نەبوویە و باوەرناكەم كەنگی دێ بیتە رۆژا پاشتر دابهێم كارێ خوە بكەم و ل دەف من ئەڤە (22) سالن كاردكەم، بەلكو ل دەف من رۆژا ئێكێ یا كارێ منە.
هەروەسا گۆت: نوكە دەرهێنانێ بۆ بەرنامەیێن (سپێدە باش و ئێك ژ خەلكی و رێبارزا چاندنێ و پرس و بەرپرس) دكەم، بەلێ ژ هەموویان پتر حەزژ بەرنامێ سپێدەباش دكەم، چونكو بەرنامەیەكێ ڤەكریە و ئەز پتر داهێنانێ د وی بەرنامەی دادكەم و بەری بەرنامە بهێتە دەستپێكرن پرسیارا بابەتێ بەرنامەی دكەم و سترانان ل دووڤ وی بابەتی ددانم و هەر پەیوەندیەكا بهێت ژی سترانا ل دووڤ گۆتن و سوحبەت و ناڤێ پشكداربووی ددان بتنێ ئەو ژی بۆ خۆشی و جوانی و زەنگینیا بەرنامەی و ئەڤ چەندە ژی ل سەر زیرەكیا دەرهێنەری دمینت كا چەندێ شارەزایە و دشێت چەند داهێنانێ بكەت و ددەرهێنانێ دا هەموو كەس نەشێن ئەڤی كاری بكەن و یێ ب زەحمەتە و ئەو كەسێ ئەڤی كاری دكەت دڤێت گێول ل سەر هەبیت و دەرهێنانا رادیۆیێ و تیڤی و چێكرنا فلم و كلیپان نە وەكو ئێكە و دبینم دەرهێنانا رادیۆیێ ژ هەموویان ب ساناهیترە ئەز خوە د دەرهێنانا كارێ تیڤیێ ژی دادبینم.
