رۆژانە 22 هزار كارتۆنێن هێكان ل هەرێمێ دهێنە بەرهەمئینـان
دهۆك، دلۆڤان ئاكرەیی:
ل دووڤ ئامارێن وەزارەتا چاندنێ، ئاستێ بەرهەمئینانا هێكان گەهشتیە قووناغەكا بلند و ڕۆژانە 22 هزار كارتۆنێن هێكان دهێنە بەرهەمئینان، حەفت هزار كارتۆن بۆ پێدڤیێن ناڤخۆیی دهێنە ب كارئینان، بەرهەمێ زیدە ژی بۆ بازاڕێن ناڤەراست و باشوورێ ئیراقێ دهێتە هنارتن.
هیوا عەلی، پەیڤدارێ وەزارەتا چاندنێ ل حوكمەتا هەرێما كوردستانێ بۆ رۆژنامەیا ئەڤرۆ گۆت: «نوكە 55 پڕۆژەیێن بەرهەمئینانا هێكان ل هەرێمێ كار دكەن، د ماوێ شەش مەهێن بۆری دا، مۆلەت ب 41 پڕۆژەیان هاتیە دان، لەو ئینانا هێكان ژ دەرڤەی هەرێمێ ب هەمی شێوەیان هاتیە قەدەغەكرن، دا كو پارێزگاری ل بەرهەمێ خۆمالی بهێتە كرن».
گۆتژی: «وەزارەتێ هەماهەنگیەكا باش ل گەل پارێزگەهێن دی یێن ئیراقێ هەیە، دا كو بەرهەمێ زیدە ب شێوەیەكێ ڕێكخستی بۆ بهیتە هنارتن و پێدڤیێن وەلاتیێن ناڤەراست و باشوورێ ئیراقێ ژی پێ بهێنە دابینكرن».
