رۆژا جیهانیا خودان پێدڤیێن تایبەت ب چەندین چالاكیان هاتـە ساخكـرن
ئامێدیێ، مەحمود نهێلی:
ب هەلكەفتا رۆژا جیهانیا خودان پێدڤیێن تایبەت و ل ژێر چاڤدێریا رێڤەبەریا گشتی یا چاڤدێری و گەشەپێدانا جڤاكی ل دهۆكێ و رێڤەبەریا چاڤدێری و گەشەپێدانا جڤاكی ل ئامێدیێ ب هەڤكاری ل گەل رێڤەبەرییا پەروەردا دەڤەردارییا ئامێدیێ و كۆمەلا ژین یا كێم ئەندامان ل ئامێدیێ رابوون ب گێڕانا ئاهەنگەكێ بۆ هژمارەكا قوتابیێن خودان پێدڤیێن تایبەت یێن سەنتەرێ ناوچەدارییا سەرسنكێ.
رێڤەبەرێ ناوچەدارییا سەرسنكێ بۆ رۆژناما ئەڤرۆ دیار كر، ئەڤ ئاهەنگە ب هەلكەفتا رۆژا جیهانییا خودان پێدڤیێن تایبەت هاتیە كرن و گۆت: «د ڤێ ئاهەنگێ دا چالاكیێن جودا جودا هاتنە ئەنجامدان و دیاری ل سەر هەموو قوتابیێن ئامادەبووی هاتنە پارڤەكرن».
