رۆژا قوتابیێن بەهرەمەند ل زاخۆ دهێته گێران
ئه‌ڤرۆ نیوز، عه‌لی حاجی :
به‌رپرسێ لقا زاخۆ یا ئێكه‌تیا قوتابیێن كوردستانێ د داخویانیه‌كێ دا بۆ ئه‌ڤرۆ نیوز دیار كر ب هه‌لكه‌ڤتا رۆژا دامه‌زراندنا ئێكه‌تیا قوتابیان دێ رۆژا قوتابیێن به‌هره‌مه‌ند ل زاخۆ هێته گێران و بۆ ئێكه‌م جاره كاره‌كێ ب ڤی ره‌نگی ژ لایێ وان ڤه دهێته ئه‌نجام دان .
زێده‌تر ئه‌حمه‌د سه‌عید گوت: (بریاره ل رێكه‌ڤتی 16/2/2020 ژبه‌ریا دو روژان ب هه‌لكه‌ڤتا روژا دامه‌زراندنا ئێكه‌تیا قوتابیێن كوردستانێ،وه‌كو لقا زاخۆ ب مه‌ره‌ما پشته‌ڤانی كرنێ ل قوتابیێن خودان به‌هره‌مه‌ند دناڤ قوتابخانه و زانكو و په‌یمانگه‌هان دا دێ روژا قوتابیێن به‌هره‌مه‌ند ل زاخۆ گێرین كو بۆ ئێكه‌م جاره كاره‌كێ ڤی ره‌نگی ئه‌نجام بده‌ن و ئه‌ڤ روژه دێ هه‌می به‌هره‌یێن قوتابیان د هه‌می بیاڤان دا هێنه نیشان دان و هه‌ر دیسا ندێ خه‌لاتێن تایبه‌ت ژی بۆ وان قوتابیان هه‌بن) .
ناڤهاتی ئه‌و چه‌نده ژی گوت مه‌ره‌ما سه‌ره‌كی ژ گێرانا وێ روژێ ئه‌وه ك هه‌ژماره‌كا زور یا قوتابیێن خودان به‌رهه‌ریێن تایبه‌ت هه‌نه دناڤ كه‌رتێ په‌روه‌ردێ به‌لێ وه‌كو پێدڤی پشته‌ڤانی ل وان نه‌هاتیه كرن یان ژی قوتابی ب خوه ژی ئه‌و وێره‌كی ل ده‌ڤ دروست نه‌بویه بشێت به‌هره‌یا خوه نیشان بده‌ت به‌لێ ئه‌و روژه دێ ده‌لیڤه‌یه‌ك بۆ وان بشێن زێده‌تر خوه نیشان بده‌ن .
