رۆژنامه‌ڤانه‌كا ئه‌ڤرۆ دێ ل ئاڤاهیێ په‌رله‌مانى هێته خه‌لاتكرن
ئه‌ڤرۆ نیوز:
سازیا میدیاوان د رێوره‌سمه‌كێ دا،ل ئاڤاهیێ په‌رله‌مانێ كوردستانێ دێ 8 رۆژنامه‌ڤانێن سه‌ركه‌فتى د پێشبركیه‌كێ دا خه‌لات كه‌ت كو ئێك ژ وان رۆژنامه‌ڤانه‌كا رۆژناما ئه‌ڤرۆ یه.
زه‌رى نه‌وزاد ل سه‌ر ئاستێ هه‌رێما كوردستانێ پشكدارى د پێشبركیه‌كا رۆژنامه‌ڤانى ل دۆر پرسێن ژنان دا كربوو كو ژماره‌كا زورا رۆژنامه‌ڤانێن هه‌رێما كوردستانێ و كه‌ركووكێ پشكدارى تێدا كربوون و دوهى ئه‌نجام هاتنه راگه‌هاندن كو زه‌رى خان ئێك ژ سه‌ركه‌فتیانه كو ب راپۆرته‌كێ ل دۆر ئاریشێن ژنان پشكدارببوو و بریاره ل رۆژێن بهێت ل ئاڤاهیێ په‌رله‌مانێ كوردستانێ د رێوره‌سمه‌كێ دا ئه‌ڤ 8 رۆژنامه‌ڤانه بهێنه خه‌لاتكرن كو ل دووڤ پێزانینێن ئه‌ڤرۆ نیوز، سه‌رۆكێ په‌رله‌مانێ كوردستانێ دێ تێدا به‌رهه‌ڤ بیت.
به‌رهه‌مێن پشكداربوويان، ژ ئاليێ رێكخراوا ژنان يا نه‌ته‌وێن يه‌كگرتى و په‌رله‌مانێ كوردستانێ و سه‌نديكا رۆژنامه‌ڤانێن كوردستانێ و سازيا ميدياوان ب هويرى هاتينه هه‌لسه‌نگاندن و به‌رهه‌مێ 8 رۆژنامه‌ڤانان وه‌ك باشترين به‌رهه‌مێ رۆژنامه‌ڤانى د وارێ ژنان دا هاتينه ده‌ستنيشانكرن.
پێزانينێن زێده‌تر د ڤى لينكى دا بخوينن
