رۆژنامهڤانیا زارۆیان دناڤبهرا و رارو نه مانێ دا
رێژین عهلى
ژبهركو د ڤى چهرخى دا رۆژنامهڤانى دیاردهكا شارستانى یه و ئیكه ژ پێدڤین ژیانێ ههر جڤاكهكێ بێ رۆژنامهڤانى بیت، یێ پاشكهفتى یه و دوورى شارستانیێ یه و د تاریێ دا دژیت هه ر ب ڤى رهنگى هه ر جوینهكێ و ته خه كا جڤاكى رۆژنامهڤانیا تایبهت بخوهڤه ههیه دهربرینێ ژ ههست و پێدڤیێن وان دكهت رۆژنامهڤانیا زارۆیان ژى ئیكه ژپێدڤیێن ژیانا ئهڤرۆ و دهولهتێن پێشكهفتى ب ڤێ رۆژنامهڤانیێ پویتهكێ مهزن و تایبهت ددهنه پهروهردهكرنا زارۆیان و ل دووڤ پهروهردهكرنا هزر و دهروونى وهسا كو بهرههڤبن بۆ وهرگرتنا پێزانینن گشتى و مرۆڤایهتى و جوگرافى و ئاینى…هتد. ل گهل وان پێزانینن قوتابێ زارۆ د رێیا خواندنگههێ را فێردبیت ؛رۆژنامهڤانیا زارۆیان ژى ل دووڤ ژیێ وان دهێته گوهۆرین و دبیته چهند پشهك زانایێن پهروهردێ و دهرووناسى ل وێ باوهرێ دانه كو ئهو بهرنامێن خواندنێ یێن ل قوتابخانێ دهێنه گۆتن دهشكن و توخیب داینه و نهشێن مرۆڤهكێ هوشیار د وهلاتهكێ پێگههشتى دا پهروهرده بكهن كو بزانن چ ل دهوروبهرێن وان روودهت و رۆلێ خوه د جڤاكى دا و ل ئاستێ ناڤخوه و جیهانى دا بزانن؛دیرۆكا روژنامهڤانیا زارۆیان ل سال1945 ـ 1946 دهسپێكریه ئێكهم كۆڤار دهرچووى (گروكالى منالانى كورد) بوو ههر چهنده ئهڤێ كۆڤارێ مهرجێن پێدڤى یێن رۆژنامهڤانیا زارۆیان تێدا نهبوون؛، لێ شیا خوه ل گهلهك بابهتێن جوان و ب مفا بكهته خودان مینا بابهتێن جوگرافى و زانستى و نهتهوه پهرستى كو بهرێ زارۆیێن كورد بدهته وهلاتپارێزیێ و خۆراگریێ و قوربانیدانێ و مفاوهرگرتن ژ سهربۆرێن مللهتان، دیسا ژ وان بابهتێن گرنگ كو تێدا هاتین هاندانا زارۆیێن كوردان و هشیاركرنا وان بوو كو بزانن كو ب دروستى كوڕێن وان بابێن قارهمانن یێن گیانێ خوه كریه قوربانى بۆ ئازادى و بهختهوهریا كوردستانێ دڤێت وهفاداربن بۆ رێبازا وان بابان سهرهراى وى بارودۆخى یێن دهستهیا نڤیسهر و كهسێن ئهڤ رۆژنامه برێَڤهبرى شیایین ب دههان بابهتێن جۆراو جۆر و جهێ مفاوهرگرتنێ بۆ زارۆیێن كوردان ئاماده بكهن، لێ د سهردهمهكێ وهكو ئهڤرۆ دا كو ب سهردهمێ تهكنهلۆجیاى و ئامیرێن پێشكهفتى دهێته نیاسین سهرهراى هندێ كو چهند كۆڤار بۆ زارۆكێن مه دهردكهڤن و ژبابهتێن ره نگاورهنگ پێكدهێن، لێ دێ بینن كو تێرا هندێ ناكهن كو مێشكێ زارۆیێن مه درێركهن ژ ڤالاتێ كو بهرێ وان بكهڤیته خواندنا ڤان كۆڤاران مێشكێ وان رهوشهنبیر ببیت ژ ههمى لایانڤه نزانین گونههاڤى سه ردهمى یه كو سهردهمێ تهكنهلوجیاى دهێته نیاسین وه كریه ههمى تشتهكێ ڤى زارۆى پێڤه بهێتهگرێ دان دهم بۆ خواندنا كۆڤاران نه بیت؟ یان گونهها دایك و بابانه كو زارۆیێن خوه فێرى خواندنا كۆڤاران و تشتێ ب مفا نهكرینه؟ یان نهبوونا كۆڤارهكا وهك گروكالى منالانى كورد كو بهرێ زارۆیێن مه ژ ڤالاتى بدهته خواندنا كۆڤارهكا مینا ئهڤێ كۆڤارێ ؟ كو مێشكێ ڤى زارۆیى زهنگین بكهت ژ بابهتێن گرنگ كو ببنه جهێ مفاوهرگرتنێ و پێڤه بهێنهگرێدان یان ژى ژئهنجامێ وێ تهپهسهریێ و زولم و داگیركرنا داگیركهرانه كو ههردهم و د ههمى وارێن ژیانا مه دا دژاتیا مهكریه و نههیلایه مفاى ژدیاردێن شارستانى و ههڤچهرخ ببینن و وهربگرین و ههردهم دژاتیا هزر و ؛پهیڤ و پێنگاڤێن مه كریه تاكو وه ل مه هاتى ئهم ههردهم د ساڤا بین د ههمى وارێن ژیانێ دا.
