رۆژنامەڤانەکا تورک:توركیا هەمبه‌رى ریفراندۆما کوردستانێ نەرماتی نیشاندایە
ئەڤرۆ نیۆز،زنار تۆڤی:
رۆژنامه‌ڤانه‌كا تورك کو سه‌ر ب ئاكه‌پێ ڤەیە و هەروەسا نێزیكى سه‌رۆك كۆمارێ توركیا ئەردۆگانیه و د دیدارەکێدا ل سەر کەنالێ سی ئێن ئێن یێ تورکی راگه‌هاندیە:کو توركیا ژیرانه سه‌ره‌ده‌ریێ ل گەل بارودۆخێ هەرێمێ دكه‌ت و هەروەسا نه‌رماتى هەمبه‌رى ریفراندۆما سه‌رخوه‌بوونا كوردستانێ نیشاندایه،ژبه‌ركو پێدڤیه توركیا بۆ خوه دۆستان ل ڤێ ده‌ڤه‌رێ چێكه‌ت نه دوژمنان.
نیهال كاراجا ئەو رۆژنامه‌ڤانا نێزیك ئاكه‌پێ یە د به‌رنامه‌كێ كه‌نالێ سى ئێن ئێن یێ توركى دا گۆتیە:سوپاسیا توركیا دکەم كو نه‌رماتیێ هەمبه‌رى ریفراندۆما سه‌رخوه‌بوونا كوردستانێ نیشان ددەت.
نیهالێ دیارکریە ژی:نه‌رماتیا توركیا هەمبه‌رى ریفراندۆما سه‌رخوه‌بوونا كوردستانێ چه‌ند هوکارەک هه‌نه،ئێك ژ وانا ئەوە کو پێدڤیه توركیا ل ڤێ دەڤەرێ بۆ خوه دۆستان زێده بكه‌ت،هەروەسا مه‌سعود بارزانى سه‌رۆكێ هه‌رێمێ ژى دۆسته‌كێ نێزیكى توركیایه و نابیت بهێته دووركرن.
نیهال كاراجا ئەو ژی خویاکریە:توركیا ژ ئێكه‌تیا ئورۆپا دوور دكه‌ڤیت،لێ بریتانیا ژى بریار دایه کو ژ ئێكه‌تیا ئورۆپا ده‌ربكه‌ڤیت،له‌ورا پێدڤیه توركیا په‌یوه‌ندییێن خوه یێن ئابوورى ل گه‌ل بریتانیا و كوردستانێ ژى باش بكه‌ت،داکو ئەڤ چەندە جهێ ئێكه‌تیا ئه‌ورۆپا بۆ وێ بگرن.
