رۆژنامەکا ئەمریکی: ئسرائیل و حەماس بۆ ئاگربەستێ رێککەفتینە
رۆژناما واشنتۆن پۆست د راپۆرتەکێ دا دیار کریە، ب ناڤبژڤانیا ئەمریکا د چەند رۆژێن بۆری دا ئسرائیل و حەماس رێککەفتینە بۆ دەمێ ٥ رۆاژن ئاگربەست بهێتە راگەهاندن دا هاریکاریێن مرۆڤی بگەهنە دەستێ خەلکی ل غەزە، ل هەمبەر دا ئسرائیلێ داخواز کریە دڤێت رێکخستنا حەماس هەموو گرتیێن د دەستێ خوە دا ئازاد بکەت، لێ هەتا نها ئەو یەک ب فەرمی نەهاتیە راگەهاندن، لێ دبیت د چەند رۆژێن بهێت دا ئاگربەست ب فەرمی بهێتە راگەهاندن.
ئەو یەک د دەمەکێ دایە کو بەری نها چەندین جاران سەرۆک وەزیرێن ئسرائیلێ دیار کریە، د رەوشا نها دا وان نەڤێت ئاگربەست بهێتە راگەهاندن، چونکی ئەو یەک د بەرژەوەندیا حەماسێ دایە.
ل ئالیێ دی هندەک ژ فەرماندارێن ئسرائیلێ وەسا دبینن ئارمانجا حەماسێ ژ راگەهاندنا ئاگربەستێ بۆ ڤێ یەکێ دا خوە بۆ ئێرشێن نوو بەرهەڤ بکەت، ژ بەر ڤێ یەکێ ژی دڤێت ئاگربەست نەهێتە راگەهاندن و دڤێت ئەو دەست ب ئێرشێن نوو بکەن دا رێکخستنا حەماسێ ب تەمامی ژناڤ ببەن.
