رۆژنامەکا بریتانی: ب ڤی شێوەی سعودیێ توڤێ توندرەویێ چاند
ئەڤرۆ نیوز، ئەیاد بەرواری:
رۆژنامەکا بریتانی د بابەتەکێ خوەدا بەحسێ کارتێکرنا سعودیێ د ناڤەندین ئیسلامی دا ل بەلجیکا و ئورۆپا دکەت.
رۆژناما (ئەندیپندێنت) یا بریتانی د وی بابەتێ خوەدا دبێژیت” بەلاڤبوونا سەلەفیێن سعودی ل بەلجیکا بۆ بەری ٥٠ سالان دزڤریت کو وی دەمی شاھێ بەلجیکا (بودوان) داخواز ژ شاھێ سعودیێ (خالد کورێ عەبدولعەزیزی) کری، ژبۆ گرەنتیکرنا کرێبەستێن پەترۆلی، بنگەھەکێ ئیسلامی ل بەلجیکا بھێتە ئاڤاکرن و بانگخوازێن سعودی کاری تێدا بکەن”.
خویا ژی دکەت” ل وی دەمی پتریا رەڤەندا موسلمان ل بەلجیکا ژ ھەردو وەلاتێن مەغرب و تورکیا بوون و مەزھەبێ وێ رەڤەندێ یێ جودابوو ژ مەزھەبی وی بنگەھێ ئیسلامی، کو ئەو رەڤەند ل دووڤ مەزھەبی مالکی بوون کو مەزھەبەکە پتر بەر ب لێبۆرینێ ڤە دچیت، بەلێ ئەندامێن وێ بەر ب سەلەفیەتێ چوون ل سەر دەستێ بانگخوازێن سعودی و دەلیڤێن خواندنێ ژی بۆ وان ھاتنە دان ل سعودیێ”.
رۆژناما بریتانی ژ زاردەڤێ ئەندامێ پەرلەمانێ بەلجیکی یێ بەرھنگار (جورج دالیمانی) کو ل دۆر سعودیێ دبێژیت” نابیت دانوستاندنێ ل گەل وەلاتەکی بکەین کو بزاڤا تێکدانا سەقامگیریا وەلاتێ مە دکەت”.
رۆژناما ناڤبری ل دووماھیێ دبێژیت” بنگەھێ ئیسلامی ل بەلجیکا بزاڤا ئاراستەکرنا نامەکا ب ھێز کر، بەلێ ھەتا نوکە ئەو بنگەھە جھێ دلتەنگیا حوکمەتا بەلجیکی یە”.
