رۆژنامەکا بریتانی رێککەفتنا ترامپی و پۆتینی ئاشکرا دکەت
رۆژنامەیا دەیلی مێل یا بریتانی د راپۆرتەکێ دا دیار کریە، رێککەفتنەکا نهینی د ناڤبەرا ترامپی و پۆتینی دا هاتیە کرن و دەستپێکا مەها سێ یا ئەڤسالە دێ سەرۆکێن ئەمریکا و رۆسیا سەبارەت ب راگرتنا شەڕێ ل ئۆکرانیایێ دانوستاندنان کەن و ل گۆر رێککەفتنا بەری نها یا د ناڤبەرا هەر دو سەرۆکان دا دێ ئەمریکا هەموو هاریکاریێن سەربازی بۆ ئۆکرانیایێ دەتە راگرتن و دێ داخواز ژ وی وەلاتی کەت رێککەفتنا ئاشتیێ ل گەل رۆسیا ئیمزا کەت و هەموو دەڤەرێن نها ل ژێر دەستێ رۆسیا ژی وەکو پارچەیەک ژ ئاخا وی وەلاتی قەبوول بکەت.
هەمان رۆژنامێ ئەو یەک ژی دیار کریە ل گۆر رێککەفتنێ دێ رۆسیا ژی دەست ژ پشتەڤانیا ئیرانێ بەردەت و هەموو رێککەفتنێن بەری نها ل گەل ئیرانێ دەتە راگرتن.
