رۆژنامەکا بریتانی: شامێ داخوازیێن کوردان قەبوول کرینە
ئەڤرۆ نیوز:
رۆژناما تایمز یا بریتانی د راپۆرتەکێ دا ئەڤرۆ دیار کر کو شامێ داخوازیا کوردان یا ل دۆر هەرێمەکا خوەسەر ل باکورێ سووریێ قەبوول کریە و روسیا ژی پشتەڤانیێ ل هندێ دکەت، چونکو روسیا ناخوازیت ب رێیا هەرێما ئارام تورکیا دەستێوەردانێ د کاروبارێن ناڤخوە یێن سووریێ دا بکەت و دخوازیت شام ب دانا مافێن کوردان هەموو ئاریشێن خوە چارەسەر بکەت.
د بەردەوامیا راپۆرتێ دا ئاماژە ب سەرەدانا ڤێ دووماهیێ یا ئەردۆگانی بۆ روسیا ژی هاتیە کرن و هاتیە راگەهاندن کو روسیا ب رەنگەکێ ئاشکرا دیار کریە ئەم ل دژی هندێ نە ئاخا سووریێ بکەڤیتە ژێر کۆنترۆلا تورکیا و هێزێن دی، دڤێت کورد و شام هەموو پرسێن خوە چارەسەر بکەن.
