رۆژنامەیا كوردستان چرایێ هشیارییا نەتەوەیی بوو
دلڤین رەشید
هەر سال رۆژا 22 نیسانێ كورد ل سەرانسەری جیهانێ رۆژا رۆژنامەگەریا كوردی ب چالاكین جودا جودا ساخ دكەن، مەرەم ژ ڤێ چەندێ ژی ئەوە گرنگی دان ب رۆژنامەڤانیا ئازاد و بەرهەم ئینانا زانیاریان د جڤاكێ كوردی دا دیار بكەین.
ل 22 نیسانی ئێكەم روژنامەیا كوردی ب ناڤێ كوردستان ل باژێری قاهیرە ل سەر دەستێ مقداد مەدحەد بەدرخان بەلاڤ بوویە، پشتی رۆژناما كوردستان بەلاڤبوی، راگەهاندنا كوردی بهێز و هێزتر بوو ب شێوازەكی بەرەف پێشڤە چۆ پتریا رەوشەنبیر و رۆژنامەڤانێ كورد ب زمانێ كوردی خوە دناڤا ڤێ رۆژنامەگەریێ دا دیتن و رۆژ بۆ رۆژێ ئەڤ راگەهاندن دەولەمەند بوو و قۆناغ بۆ قۆناغێ رولەكێ كاریگەر هەبوو، تایبەت ژی ل باشورێ كوردستانێ پشتی سەرهلدانا سالا 1991 حكومەتا هەرێما كوردستانێ ژی زێدەتر گرنگی ب راگەهاندنا كوردی دا و هەتا قۆناغا ئیرۆ رۆژ ژی یە بەردەوامە، چەندین رۆژنامە و گۆڤار و دەزگەهێن راگەهاندنێ هاتینە دامەزراندن كو رۆژنامەڤانێ مە بشێن رۆلەكێ بەرچاڤ تێدا ببینن خزمەتا رۆژنامەگەریا كوردی و جڤاكا كوردستانێ بكەن.
راگەهاندن نە بتنێ بەلاڤكرنا دەنگوباسایە، بەلكو چالاكیەكا مێژووییە بۆ پشتەڤانیكرن ل مافێن مرۆڤ و چاڤدێریكرن ل كارێ حوكمەتێ و رۆژنامەڤان بلندترین رۆل هەیە د گەهاندنا راستیێ و رەخنەیێ د دەستهەلاتێ دا.
د هەرێما كوردستانێ دا گرنگە رۆژنامەڤان ب پیشە و ئەخلاقیانە كاربكەت و كەسەكی بێ لایەن بیت د گەهاندنا پەیاما خۆ یا راست گۆیانەدا، چونكو بەرپرسیارەتیا میدیا یا كوردی گرنگیەكا تایبەت هەیە د پێگەهاندنا راگەهاندنەكا ئازاد و هەڤچەرخ و دیموكراتی دا.
رۆژا رۆژنامەگەریا كوردی هەلكەفتەكە ژبۆ هەموو ئەوان رۆژنامەڤانان یێن كاركرین ژبۆ پەیاما راستگۆی و راستیێ و گەهاندنا دەنگێ خەلكێ و بەرهنگاربون ژ نە دادیێ زلم و زۆرداری، بژی رۆژنامەڤانیا راستگۆیانە، بژی رۆژنامەگەریا كوردی.
