رۆژنامەیەکا ئەمریکی: ئەمریکا دێ هۆشداریێ دەتە ئسرائیلێ
پشتی کوشتنا فەرماندارەکێ حەماسێ ل لوبنانێ ژ ئالیێ هێزێن ئسرائیلێ ڤە رەوشەکا نوو هاتیە پێش و د ڤێ مژارێ دا رۆژنامەیا واشنتۆن پۆست د راپۆرته‌کەکێ دا ئاماژە ب ڤێ یەکێ کریە، کو ئسرائیلێ هێزه‌کا مه‌زن ژ باکورێ غەزەیێ ڤەکێشایە و نها نه‌رازیبوونێن ل هه‌مبه‌ر ده‌ستهه‌لاتا نه‌تانیاهۆ گەهشتینه ئاسته‌کێ بلند و ئۆپۆزسیۆنا ئسرائیلێ ل دژی نه‌تانیاهۆ هه‌ڤپه‌یمانیەکێ ئاڤا دکه‌ن و نه دووره نه‌تانیاهۆ ژ دەستهەلاتێ بهێتە دوورخستن و د ناڤ وه‌لاتیێن ئسرائیلێ دا ژی پشته‌ڤانیا نه‌تانیاهۆ د ئاسته‌کی گه‌له‌ک نزم دایه. ژ به‌ر ڤان ئه‌گه‌ران نه‌تانیاهۆ دڤێت بەرەیەکێ نوو یێ شەڕی ڤەکەت، ب ڤی ره‌نگی هه‌م ده‌نگێ نه‌رازیبوویان کێم بکه‌ت و هه‌م ژی ته‌مه‌نێ ده‌ستهه‌لاتا خوه درێژتر بکه‌ت.
هەمان رۆژنامێ ئەو یەک ژی دیار کریە، سەرۆکێ ئەمریکا ب توندی ل دژی ڤێ یەکێ یە، ژ بەر هندێ ژی هەر زوو وەزیرێ دەرڤە یێ ئەمریکا سەرەدانا ئسرائیلێ کریە و پەیاما ئەمریکا گەهاندیە ئسرائیلێ و داخواز ژ نەتانیاهۆیی هاتیە کرن دەست ژ کارەکێ وەسا بەردەت، چونکی ئەو یەک دێ دەڤەرێ بەر ب شەڕەکێ دژوار ڤە بەت.
