رۆژنامەیەکا ئەمریکی: ئەمریکا ژ هەلوەستێ ئسرائیلێ دلگرانە
رۆژنامەیا واشنتۆن پۆست د راپۆرتەکێ دا دیار کریە، د سەرەدانا هەری دووماهیێ یا وەزیرێ دەرڤە یێ ئەمریکا بۆ ئسرائیلێ دا، وی داخواز ژ سەرۆک وەزیرێن ئسرائیلێ کربوو شەڕی بدەتە راگرتن و دەست ب دانوستاندنان ل گەل حەماسێ بکەن، لێ ئەو یەک ب توندی ژ ئالیێ نەتانیاهۆیی ڤە هاتیە رەتکرن و ئسرائیلێ دیار کریە هەتا ئەو نەگەهنە ئارمانجێن خوە دێ ئێرشێن وان بەردەوام بن.
هەمان رۆژنامەیێ ئەو یەک ژی دیار کریە، سەرۆکێ ئەمریکا ژ هەلوەستێ سەرۆک وەزیرێن ئسرائیلێ دلگرانە و جارەکا دی داخواز ژ بەرپرسێن ئسرائیلێ کریە کو ئێرشێن ل سەر غەزە بدەنە راگرتن، چونکی دڤێت پرسا هەی ب رێیا دانوستاندنان بهێتە چارەسەرکرن و ئەمریکا نەڤێت شەرێ نها بەرفرەهتر لێ بهێت، چونکی ئەو یەک زیانەکا خوە یا مەزن بۆ بەرژەوەندیێن ئەمریکا ل رۆژهەلاتا ناڤین دا هەیە، ژ بەر ڤێ یەکێ ئەمریکا ژ هەلوەستێ ئسرائیلێ دلگرانە.
