رۆژنامەیەکا ئەمریکی: پەیوەندیێن هەسەدێ و شامێ ئالۆز دبن
رۆژناما نیویورک تایمز یا ئەمریکی د راپۆرتەکێ دا بەحسێ ڤێ یەکێ دکەت کو پەیوەندیێن هەسەدێ ل گەل شامێ ئالۆز دبن، چونکی د لیژنا بەرهەڤیا کۆنفرانسێ ئاشتیێ بۆ سووریێ دا چو کورد نینن و د هەمان دەمی دا هەتا نها شام بەرهەڤ نینە داخوازیێن هەسەدێ قەبوول بکەت و هەسەدە ژی ب هەمان رەنگی هەتا نها چو داخوازیێن شامێ قەبوول نەکرینە، نها پەیوەندیێن هەسەدێ و دەستهەلاتا نوو یا شامێ ئالۆز بووینە.
هەمان رۆژنامێ ئەو یەک ژی دیار کریە، ئەحمەد شەرع ژ ئالیێ تورکیا ڤە گەلەک هاتیە تەنگاڤ کرن، چونکی تورکیا نەڤێت دەستهەلاتا نوو یا شامێ ل گەل کوردان دانوستاندنان بکەت، بەلکو تورکیا دڤێت شام ئێرشی دەڤەرێن کوردی بکەت و تورکیا بەرهەڤیا خوە ژی دیار کریە کو دێ ب هەموو رەنگەکێ پشتەڤانیا دەستهەلاتا نوو یا شامێ کەت، ژ بەر ڤێ یەکێ ژی هەسەدە و دەستهەلاتا نوو یا شامێ ژێک دوور دکەڤن.
