رۆژنامەیەکا سووریێ پیلانەکا نوو یا تورکیا ئاشکرا دکەت
ئەڤرۆ
ب، سه‌رجان مەحمود:
رۆژنامەیەکا سووریێ دیار دکەت تورکیا یا بەرهەڤە هێزێن خۆ ژ ئاخا سووریێ ڤەکێشیت، لێ تورکیا دڤێت جەبهەت ئەلنوسرا ل هەموو دەڤەرێن کو نها کۆنترۆل کریە بجه بکەت، دا پاشی وی بابەتی وەکو کارتەکێ ل دژی شامێ بکار بینیت، ژ بەر هندێ ژی هەتا نها بەشار ئەسەد بەرهەڤ نینە ل گەل ئەردۆغانی کۆمبیت.
رۆژناما ئه‌ل وەتەن یا نێزیکی رژێما سووریێ راگه‌هاند کو هه‌ڤدیتنێن ل گەل تورکیا نها هاتینە راگرتن و ئاشکرا کر، بەشار ئەسەدێ سەرۆکێ سووریێ جارەکا دی بۆ بەرپرسێن تورکیا دیار کریە، کو دڤێت تورکیا هەموو هێزێن خۆ ژ ئاخا سووریێ ڤەکێشیت، هەتا تورکیا کارەکێ وەسا نەکەت ئەو ل گەل ئەنقەرە چو هەڤدیتنان ناکەن، چونکی تورکیا ئاخا سووریێ داگیر کریە و شام بەرهەڤ نینە و نابیت ژی ل گەل ئەنقەرە بێی مەرج دانوستاندنان بکەت، دڤێت تورکیا رێزێ ل سەروەریا ئاخا سووریێ بگریت و هەموو هێزێن خۆ بێی مەرج ژ ئاخا سووریێ ڤەکێشیت.
هەمان رۆژنامێ ئەو یەک ژی دیار کریە، تورکیا دڤێت ب رەنگەکێ دی سەرەدەریێ ل گەل شامێ بکەت، بەرپرسێن تورکیا دیار کرینە ئەو بەرهەڤن هەموو هێزێن خۆ ژ ئاخا سووریێ ڤەکێشن، لێ ژ بۆ کو چو ئاریشە روو نەدەن دڤێت هندەک هێزێن دی ل وان دەڤەران بمینن، ئانکۆ تورکیا دڤێت وان دەڤەران هەموویێ رادەستی جەبهەت ئەلنوسرا بکەت و وەسا ب دەمی وی بابەتی وەکو کارتەکێ ل دژی شامێ بکار بینیت، چونکی تورکیا نەڤێت دەستڤالا ژ سووریێ دەرکەڤیت، لێ بەشار ئەسەد ژی ب چو رەنگەکێ رازی نینە گرۆپەکێ تیرۆرستی ل ئاخا سووریێ بمینیت، بەری نها ژی شامێ ب رەنگەکێ ئاشکرا داخواز ژ تورکیا کریە، کو ئێدی هاریکاریا گرۆپێن تیرۆرستی نەکەت، لێ دیارە تورکیا دڤێت ب رەنگەکێ دی داخوازیێن خۆ ل سەر شامێ فەرز بکەت، ژ بەر هندێ ژی شامێ بەری دەمەکێ ب رەنگەکێ ئاشکرا دژبەریا خۆ ل هەمبەر پیلانا نوو یا تورکیا دیار کریە، شامێ داخواز کریە دڤێت تورکیا هەموو هێزێن خۆ ڤەکێشیت و ئەو دەڤەرێن کو بەری نها داگیر کریە دڤێت وان رادەستی لەشکرێ سووریێ بکەت، لێ هەتا نها ئەنقەرە ب رەنگەکێ ئەرێنی بەرسڤا سووریێ نەدایە، ژ بەر هندێ ژی دانوستاندنێن د ناڤبەرا تورکیا و سووریێ دا نها هاتینە راگرتن و سووریێ نەڤێت د رەوشەکا وەسا دا چو دانوستاندنان ل گەل تورکیا بکەت.
ئەو یەک د دەمەکێ دایە، کو بەری دو رۆژان سیرگێی لاڤرۆڤ وەزیرێ دەرڤە یێ رۆسیا راگەهاند وان دەست ب بزاڤەکا نوو کرینە، رۆسیا دڤێت تورکیا و سووریێ دەست ب قۆناغەکا نوو بکەن، رۆسیا داخواز ژ هەر دو ئالیان کریە دەست ب دانوستاندنان بکەن و هەموو پرسێن هەی د ناڤبەرا خۆ دا چارەسەر بکەن، چونکی هەتا ئالۆزیێن نها د ناڤبەرا تورکیا و سووریێ دا بەردەوام بن دێ رەوشا سووریێ ژی هەر یا ئالۆز بیت، دڤێت سووریێ دەست ب قۆناغەکا نوو ل گەل تورکیا بکەت، چونکی ئەو یەک دێ بیتە پالدەرەک باش بۆ چارەسەرکرنا قەیرانا نها ل سووریێ، ژ بەر هندێ ژی رۆسیا بەرهەڤە هاریکاریا هەر دو وەلاتان بکەت دا پرسێن هەی د ناڤبەرا خۆ دا چارەسەر بکەن.
چاڤدێرێن سیاسی ژی دیار دکەن، رۆژ ب رۆژێ پێگەهێ بەشار ئەسەدی بهێزتر لێ دهێت، نها پەیوەندیێن بەشاری ل گەل هندەک ژ وەلاتێن عەرەبی باش بووینە، ب تایبەتی ژی ل گەل سعوودیێ نها پەیوەندیێن بەشاری باش بووینە و وەکو سالێن بۆری چو وەلاتەک ل دژی بەشاری نینە، ژ بەر هندێ ژی سەرۆکێ سووریێ وەسا دبینیت ئەو دشێت پتر پێگەهێ خۆ بهێز بکەت، بەشار ب چو رەنگەکێ ئێدی رازی نینە گرۆپێن چەکدارێن سەر ب تورکیا ل ئاخا سووریێ بمینن، ژ بەر هندێ ژی هەتا نها بەشار ئەسەد رازی نینە بێی مەرج ل گەل ئەردۆغانی کۆمبیت، هەرچەندە هەتا نها رۆسیا گەلەک جاران بزاڤ کرینە تورکیا و سووریێ دەست ب قۆناغەکا نوو بکەن، لێ سووریێ رازی نینە بێی مەرج ل گەل تورکیا چو دانوستاندنان بکەت، ژ بەر هندێ ژی تورکیا نەچارە هێزێن خۆ ژ سووریێ ڤەکێشیت، لێ دیارە تورکیا دڤێت گرۆپێن چەکدار ب رەنگەکێ دی ل دژی شامێ بکار بینیت، لێ دیارە پیلانا نوو یا تورکیا ژی هەر زوو ژ ئالیێ شامێ ڤە هاتیە ئاشکرا کرن.
ل گۆر باوەریا چاڤدێرێن سیاسی ژ بەر بابەتێ هەلبژارتنێن ل تورکیا، ئەردۆغانی دڤێت ب رێیا ئاساییکرنا پەیوەندیێن ل گەل سووریێ بابەتێ پەنابەرێن سووریێ ژی چارەسەر بکەت، چونکی پەنابەر نها بووینە بارگرانی بۆ وی وەلاتی، وەلاتیێن تورکیا ل دژی پەنابەرێن سووریێ نە، لێ بەشاری ژی نەڤێت دانوستاندنێن شامێ و ئەنقەرە ببنە ئەگەرێ بهێزبوونا پێگەهێ ئەردۆغانی و ژ بەر هندێ ژی هەتا نها بەشار ئەسەدێ
