رۆژیگرتن
حاجی ره‌مه‌زان بێسكی
ئه‌رێ رۆژیگرتنێ هنده‌ك مفا ژ لایێ زانستێن ده‌روونی ڤه هه‌نه؟
به‌رسڤ :- نوژدار(سوهیه‌له غلوم) تایبه‌تمه‌ندا ساخله‌میا ده‌روونی ل ده‌زگه‌هێ حه‌مه‌د یاساخله‌می دبێژیت رۆژیگرتن گه‌له‌ك هاریكاره بۆ هنده‌ك نه‌خۆشییان و مفایێن وێ ناهێنه هژمارتن ب تایبه‌ت دودلی و ماندیبوون وگرفتاری و هلنگفتنێن ده‌روونی، هه‌روه‌سا گه‌له‌ك ڤه‌كۆلینان دیاركریه كو رۆژیگرتنێ گه‌له‌ك مفا هه‌نه بۆ ئه‌ڤێن ئالۆده‌بوون (ئیدمان) ل سه‌ركارێن خراب هه‌یین.
بۆچی رۆژیگرتن ل سه‌ر موسولمانان هاتیه فه‌رزكرن؟
رۆژیگرتن ل سه‌ر موسلمانان هاتیه فه‌رزكرن ژبه‌ر گه‌له‌ك مفایێن هه‌یین، ژوان ژی :-
-بیرهاتنا موسلمانان ب خودایێ خوه و به‌رێخودانا وان بۆ خودا په‌رستنێ: ژبه‌ركو رۆژی هه‌لكه‌فته‌كه بۆ بیرئانینا خودێ و به‌رێخودان بۆ عیباده‌تی و تاعه‌تی، و دبیته ده‌رفه‌ته‌ك مرۆڤ دویر بكه‌ڤیت ژ حه‌زێن دونیایێ و هزركرن بۆ كارێن روحانی.
-فێربوونا بهێن فره‌هیێ و پشتگهوه ـ هاڤێتنا هنده‌ك ژ حه‌زێن خوه یێن دونیایێ: مرۆڤ فێردبیت دێ چاوا شێت خوه ژحه‌زێن خووه یێن نه‌ره‌وا و حه رام دویركه‌ت، هه‌روه‌سا حه‌زێن دی وه‌كو خوارن و ڤه خوارن و جوادبوون و جگاره كێشان… هتد.
ئه‌ڤه دێ هاریكاربن بۆ ب هێزكرن و موكمكرنا ئیردا مرۆڤێب موسلمان.
-نویكرنا نیازپاكیێ و موكمكرنا ئیمانێ: رۆژی هاریكار و رێخۆشكه‌ره بۆ ب هێزكرنا په‌یوه‌ندیا د ناڤبه‌را مرۆڤ و خودایێ خوه دا؛ ژبه‌ركو مرۆڤ دزانیت ئه‌ڤ رۆژیه بۆ خوداییه نه بۆ چ كه‌سه‌كی دیه.
-باشتركرنا ساخله‌میا مرۆڤی ژلایێ له‌شی و ده‌روونی ڤه: رۆژی ده‌رفه ته‌كه له‌شێ مرۆڤی ژ هه‌می مادیێن ژه‌هراوی خلاس ببیت و مه‌عده و ریڤیكێن مرۆڤی فۆرمات ببن، هه‌روه‌سا ساخله‌میا ده‌روونیا مرۆڤی باشتر دبیت و مرۆڤ فێری سیسته‌م و رێنامایان دبیت .
-مروڤ نێزیكی ئێك دبن: رۆژی مرۆڤان دگه‌هینته ئێك ژبه‌ركوهه‌می پێكڤه ئێك عیباده‌تی دكه‌ن د ئێك ده‌م و ئێك رۆژ دا.
-رۆژیگرتن فه‌رزه ل سه‌رمرۆڤی: ژبه‌ركو نه به‌س خوارن و ڤه‌خوارن، به‌لێ دڤێت مرۆڤ ژهه‌می گونه‌ها و خرابیان دویر بكه‌ڤیت وه‌كو دره‌وا و فند وفێلا و حیله و تاوانان ب هه‌می جۆرێن خوه‌ڤه.
