ریال سەرپێچیا قانونا ڤەگوھاستنێ دکەت
ئەڤرۆ نيوز:
ھژمارەکا راپورتێن روژنامەڤانی یێن بریتانی خویاکریە کو یانا ریال مەدرید خودانا رێزا دویێ ل وەرزێ بوری بزاڤکریە بۆ بشت راستکرنا ھەڤبەستا گولچیێ یانا مانچستەر یونایتد یا ئێنگلیزی دیڤێد دی خیا د ماوێ ڤەگوھاستنێن ھاڤینا سالا بھێت دا.
زێدەتر روژناما میرور یا بریتانی خویاکریە کو یانا ریال مەدرید د روونشتنەکا نەھینی دا کورژمێ ١٢ ملیون جونەیھێن ئسترلینی داینە ڤی گولچی پێخەمەت وێ چەندێ خوە بگریت ھەتا ھاڤینا سالا بھێت داکو ھەڤبەستا وان ئیمزا بکەت و ل ھەمبەر دی خیا رازیبویە ب ڤەگەریتە ریال مەدرید.
یانا ریال مەدرید ب درێژاھیا ھاڤینا ئەف سالە بزاڤێن ئیمزاکرنا ھەڤبەستێ ل گەل ڤی گولچیێ ٢٥ سالی دکرن لێ کارگێریا یانا مانچستەر یونایتد داخوازا ٣٥ ملیون جونەیھان کر بەرامبەر دەست بەردانێ لەورا یانا ریال مەدرید نەچاربوو ب نەھینیڤە ڤێ بزاڤا خو ب دووماھی بینت ھەر چەندە سەرپێچیە ل سەر یاساێن ڤەگوھاستنێ و یانا مانچستەر یا مفادار نینە ژ ڤێ چەندێ.
راھێنەرێ ھولەندی یێ یانا مانچستەر یونایتد لویس ڤان گال گولچی دیڤید دی خیا ژ یاریا دەستپێکرنا خولێ ل ھەمبەر توتنام ژ پێکھاتی ھاتبوو دوورخستن و دیسان دوڤدا د یاریا ل ھەمبەر ئەستونڤێلا ژی دا وەکو سزایەک بو داکەفتنا ئاستێ وی و ناڤێ وی ھاتیە گرێدان ب ڤەگوھاستنێ بو ریال مەدرید.
