ریال مه‌درید دو ستێرێن مان ستی كرینه ئارمانج
ئه‌ڤرۆ،
راپۆرتێن رۆژنامه‌ڤانی ل وه‌لاتێ ئسپانیا دیاركرینه كو بزاڤێن یانا ریال مه‌درید بۆ ده‌ستڤه ئینانا دو ستێرێن یانا مانچسته‌ر ستی یا ئنگلته‌را خۆرتر لێهاتینه و دوور نینه د ماوێ ڤێ حه‌فتیێ دا گرێبه‌ستا ئێك ژوان بهێته راگه‌هاندن.
رۆژناما ئاس یا ئسپانی دیاركر یانا ریال مه‌درید هه‌ردو ستێرێن مان ستی ره‌حیم ئسترلینگ و گابریێل خیسۆس كرینه ئارمانج بۆ ئینانا وان دناڤ رێزێن تیما خوه دا پشتی گرێبه‌ست ل گه‌ل هه‌ر ئێك ژ یێ ئه‌لمانی و یانا چێلسی ئه‌نتۆنیۆ رۆدێگر و یێ فره‌نسی و یانا مۆناكۆ ئۆریلین تشوامینی ئیمزاكرین و دیاركر دوور نینه د ڤێ حه‌فتیێ دا گرێبه‌ستا ئێك ژ یاریزانێن مانچسته‌ر ستی بهێته راگه‌هاندن و پێنگاڤێن باش ژی هاتینه هاڤێتن.
