ریال مه‌درید دێ چار یاریزانان دوورئێخیت
ئه‌ڤرۆ،
یانه‌یا ریال مه‌درید یا ئسپانی به‌رهه‌ڤیان دكه‌ت ژبۆ دوورخستنا چار یاریزانێن خوه ب شێوه‌كێ بله‌ز د ماوێ ڤه‌گۆهاستنێن نوكه یێن زڤستانێ دا ژبه‌ر نه پێدڤی ب شیانێن وان و هه‌مبه‌ری وێ گرێبه‌ستێ ل گه‌ل چو یاریزانان ئیمزا ناكه‌ت.
رۆژناما دیپۆرتیڤۆ یا ئسپانی دیاركر راهێنه‌رێ تیمێ یێ ئیتالی كارلۆ ئه‌نشلۆتی لیستا ناڤێن چار یاریزانان بۆ كارگێریا یانێ فرێكرینه ژبۆ ده‌ست به‌ردانێ كو پێكهاتینه هه‌ر ئێك ژ خیسۆس فاییخۆ، دانی سیبایۆس، ماریۆ دیاز و ئالڤارۆ ئۆدریۆزۆلا، ئه‌وا ل دووڤ راپۆرتا وی كو پێدڤی ب ڤان هه‌رچار یاریزانان نه‌مایه و رێك بوو بهێنه دان به‌ر ب یانه‌كا دی بچن، ئه‌ڤ ده‌نگۆباسه دو یانه‌یێن ئۆرۆپایێ ئینانیه ل سه‌ر هێل ژبۆ مفا وه‌رگرتنا وان ئه‌وژی یۆڤانتۆس یا ئیتالی و ئه‌تله‌تیكۆ مه‌درید یا ئسپانی ئه‌وێن هه‌ر زوو په‌یوه‌ندی ب یاریزانان كرینه.
