ریال مه‌درید دێ ستێرەکا خوە فرۆشیت
ئەڤرۆ نیۆز،زنار تۆڤی:
رۆژناما ده‌یلی ستار یا بریتانی راگه‌هاندیە کو فلۆر‌نتینۆ پیرێز سه‌رۆكێ یانا ریال مه‌درید یا ئیسپانی رازی بوویه كه‌ریم بنزیمای هێرشبه‌رێ وێ یانێ بفرۆشیت.
وێ رۆژنامێ گۆتیە ژی،هه‌ر ئێک ژ یانێن ئارسینال، بۆروسیا دۆرتموند و لیڤه‌رپوول هه‌ولداینە بۆ كرینا ڤی یاریکەری،بەلێ سه‌رۆكێ ریال مه‌درید دڤێت بنزیمای بدەتە یانا لیڤه‌رپوول یا ئنگلیزی.
ده‌یلی ستار هەروەسا دیارکریە کو پیرێزی دڤێت بنزیمای بفرۆشیت ژ پێناڤی ب ده‌ستڤەئینانا شیانێن هێرشبەرێ فرنسی كیلیان ئێمباپێ،هەر چەندە هندەك ژێدەرێن رۆژنامه‌ڤانی بەحس ل هندێ کریە کو یانا پاریس سانجێرمان یا فرنسی نێزیکبوویە بۆ ب ده‌ستڤەئینانا شیانێن ڤی یاریکەری.
ئه‌و رۆژنامه دبێژیت پیرێزی دڤێت بنزیمای بدەتە لیڤه‌رپوول، چونكی ئه‌و یانه یا ئاماده‌یه گۆژمێ 92 ملیۆن یۆرۆیا بدەتە ریال مه‌درید.
