ریال مەدرید ستێركا خوە ل كانسیلۆی گرت
ئەڤرۆ
رۆژناما سپۆرت وەن یا ئەلمانی دیار كر یانەیا ریال مەدرید یا ئسپانی دەست ب پلانا خوە یا ئینانا یاریزانێن ستێر بۆ ناڤ رێزێن تیما خوە كریە و ستێركا خوە ل یاریزانێ مانچستەر ستی جواو كانسیلۆ گرتیە ئەوێ ب شێوەیێ قەر دگەل بایرن میۆنخ یا ئەلمانی یاریی دكەت.
هەمان رۆژنامێ ئاماژە پێ دا كو دو ئەگەرێن بهێز هەنە ئەڤ گرێبەستە بهێتە كرن ئەو ژی راهێنەرێ مانچستەر پێب گۆاردیۆلا ڕەدكریە یاریزان پشتی ماوەیێ دیاركری یێ شێوەیێ قەر بۆ یانەیا ئەلمانی دۆبارە نە ڤەگەڕێتە مان ستی، یا دویێ داخوازیا راهێنەرێ ریال مەدرید كارلۆ ئەنشلۆتی یە و تۆرەبوونا یاریزانێ وی یێ فرەنسی ئێدۆاردۆ كاماڤینگا ژبەركو یاریزان یاریێ ل جهێ راستێ دكەت لێ راهێنەر ئەو بۆ لایێ چەپێ پشكدار دكەت و كانسیلۆ یاریزانێ لایێ چەپێ یێ هێلا ناڤینە، لێ ئاستەنگا ئێكانە بۆ ریالێ یانەیا ئەلمانیە كو بەندەكێ گرێبەستێ دبەرژوەندیا وێ دایە پشتی گرێبەستا قەر ب دووماهی دهێت مافێ هەیی ب70 ملیۆن یۆرۆیان گرێبەستێ نوو بكەت.
