ریال مەدرید مانا تۆنی كرۆز و مۆدرێچی ئێكلا كر
راپۆرتێن رۆژنامەڤانی ل وەلاتێ ئسپانیا دۆپاتكر كو یانەیا ریال مەدرید مانا هەردو ستێرێن خوە یێ ئەلمانی تۆنی كرۆز و یێ كرواتی لۆكا مۆدرێچ ئێكلا كرییە و د دەمەكێ نێزیك دا دێ گرێبەستێن وان نوو كەت.
ل دووڤ رۆژنامەیا ئاس ئسپانی لۆكا مۆدرێچ بەرهەڤە مووچەیێ خوە یێ سالێ ب نیڤی بكەت كو ژ 10 ملیۆن یۆرۆیان بكەتە پێنج ملیۆن یۆرۆ پشتی كۆمبوونا سێ دەمژمێران یا ستێرێ كرواتی دگەل سەرۆكێ یانەیا ریال مەدرید فلۆرنتینۆ پێرێزی.
ژلایەكێ دیڤە رۆژنامەیا The Atlantic دیار كر یانەیا ئسپانی رازیبوویە ب مانا ستێرێ خوە یێ ئەلمانی تۆنی كرۆز بۆ وەرزەكێ دی، ئەڤچەندە پشتی ئاستێ وی یێ بلند دگەل تیمێ و بوویە خالا هێزێ و دیاركر بابەتێ گرێبەستێ دێ ل دووماهییا ڤێ مەهێ ئێكلا بیت.
بۆ زانین گرێبەستا مودرێچێ 38 سالی و كرۆسێ 34 سالی دێ ل دووماهییا خزیرانا بهێت ب دووماهی هێت، شەش یانەیێن ئۆرۆپی و سعۆدی ئۆفەرێن گرێبەستان بۆ هەردو یاریزانان بەرهەڤكرینە.