ریال مەدرید و بارسەلۆنا هەڤرکیێ ل سەر یاریکەرەکێ گەنج دەکەن
ئەڤرۆ نیوز ، زنار تۆڤی:
یانا ریال مەدرید چوویە رێزا وان یانێن کو داخوازا ستێرەکا یانا ئەیاکس ئەمستردام یا هۆلەندی دکەن و وێ دڤێت هەڤرکیا بارسەلۆنا بکەت و وی یاریزانی ڤەگۆهێزیت دناڤا رێزێن خوە دا.
رۆژناما سپۆرت یا ئیسپانی دیارکریە، کو چاڤێ ریال مەدرید ل سەر فرانک دی یۆنگە، ستێرا یانا ئەیاکس، بۆ هندێ د ڤەگوهاستنێن ڤێ زڤستانێدا وی یاریزانی ببەتە دناڤا ریزێن خوە دا.
وێ رۆژنامێ گۆتیە ژی: یانا شاهانە دڤێت دی یۆنگی بکەتە جهگرێ لوکا مۆدریچی د وێ یانێدا.
ئەو یاریزانێ گەنج یێ هۆلەندی ئارمانجا چەندین یانێن ئورۆپایە، ژ وان ژی مانچستەر سیتی و بارسەلۆنا، یانا ئەیاکس ئەمستردام ژی نەڤێت ب پارەکێ کێم دەستبەرداری وی یاریزانی بیت.
مارک ئۆڤەرمارس، رێڤەبەرێ وەرزشی ل یانا ئەیاکس راگەهاندیە، کو بەرگریکرن ل دی یۆنگی یا ب زەحمەتە و ب دەستڤەئینانا پارەکێ باش ژی دێ هاریکار بیت بۆ هندێ کو یاریزانێن نوو بکرن.
