ریال مەدرید پلانەكا نوو بەرانبەر مباپی دانا
پشتی بزاڤێن یانەیا ریال مەدرید یا ئسپانی ژبۆ ڤەگۆهاستنا كێلیان مباپی ستێرێ پاریس سانجێرمان سەرنەگرتی، رۆژنامەكا ئۆرۆپا ئاماژە ب پێنگاڤەكا نوو یا یانەیا ریالێ دایە كو دەست ب پلانا دویێ بەرانبەر یاریزانی كرییە پێخەمەت ڤەگۆهاستنا وی بێ دانا كۆژمەكێ مەزن یێ پارەیی.
د راپۆرتا رۆژنامەیا دیپۆرتیڤۆ لاكازیتا هاتییە كو ریال مەدرید بەیاننامەكا بەرۆڤاژی پێشبینییان بەلاڤكرییە گۆتیە»ب هێچ رەنگەكی دانۆستاندن دگەل چو یاریزانێن یانەیا پاریس سانجێرمان نەكرییە و ئەوا هاتینە بەلاڤكرن دوورن ژ راستیێ«، ژلایێ خوەڤە شرۆڤەكارێن وەرزشی ئاماژە پێكرییە ئەڤ بەیاننامە بتنێ فێلبازییەكە ژلایێ ریال مەدرید و دەست ب پلانا دویێ كرییە ژبۆ راكرنا گڤاشتنێ و فوكسێ ل سەر بابەتێ مباپی بۆ یانەیا ئسپانی و د بنەرت دا ریال مەدرید و مباپی چاڤەڕێ دەستپێكا سالا 2023ێ نە ژبۆ ڤەكرنا دانوستاندنێ و راگەهاندنا گرێبەستێ، سەرباری گرێبەستا وی دگەل پاریسێ هەتا خزیرانا 2024ێ یە، لێ دووڤ یاسایێ ئەو دشێت بەری وێ وەرزەكی دانۆستاندنێ بكەت.
