ریال مەدرید یا توورەیە و سكالا گەهاندە فیفایێ
ب شێوەیەكێ فەرمی یانەیا ریال مەدرید یا ئسپانی نڤێسارەكا نەرازیبوونێ دگەل بادەكا كۆمەكا خەلەتیێن دادڤانان یا وەرزێ بۆری وەكو سكالا گەهاندنە فدراسیۆنا فوتبۆلا جیهانێ فیفا، ئەڤچەندە هاتی پشتی یاریزانێ وێ دین هویستن د یارییا بۆری دا بەرانبەر یانەیا ڕیال سوسیداد ب كارتا سۆر هاتییە دوورئێخستن كو ددەمەكی دا ل دووڤ یاسایێ ژ هەژی كارتا زەر بوو، هەروەسان ژ نشكەكێ ڤە ڕاهێنەرێ تیمێ چاڤی ئالۆنسۆ ب كارتا سۆر هاتە دوورئێخستن.
ل دووڤ ڕاپۆرتا ئاس یا ئیسپانی دیاركر كو یانەیا ڕیال مەدرید ژ لژنەیا دادڤانێن خولا ئسپانییا توورە سەرباری داخوازیێن وان ژبۆ ڕاستڤەكرنا خەلەتییان لێ دوبارە دبنەڤە، ئەڤچەندە ژی كارتیكرن ل سەر ئاست و مۆرالا یاریزانان دبیت بوویە ئەگەر سكالایا خوە ب بەلگەڤە بۆ فیفایێ بهنێریت، هەكەر هاتبوو سكالا ب سەركەڤت دێ فدراسیۆنا فوتبۆلا ئسپانییا تووشی سزایێن نە چاڤەڕێ كری بن.
