ریفراندۆم بوو رۆژهكا دیرۆكی؟!
ههژین رێكانى
مهزنترین كهرنهڤال ژبۆ پشتهڤانیكرنا پرۆسا ئالاڤێ سهرخوهبوونا كوردستانێ كو ریفراندۆمه
ل رێكهفتی 20 ئیلۆنێ یا سالا 2017 هاتهئهنجامدان، ریفراندۆم مهزنترین پێنگاڤ بوو د دیرۆكا مللهتێ كورد دا داخوازا مافێ چارهنڤیسێ گهلێ كورد هاته كرن ژ بۆ سهربهخوهیا ههرێما كوردستانێ و جودابوون ژ عیراقێ ئهڤێ پێنگاڤێ رێژا ههره مهزن یا دهنگان بدهستخوهڤه ئینا، لێ دهولهتێن جیران بوونه رێگر و ئاستهنگ دروستكرن ل ههمبهر كوردستانێ و هاتنا حهشدا شهعبى ژلایێ ئیرانێ ڤه و دژایهتیا تورك و عیراقێ و ههروهسا نهبوونا پشتهڤانیێ ژلایێ دهولهتێن رۆژئاڤا ڤه، دیسا كورد مانه بتنێ، لێ د ههمان دهم دا رۆلێ نێچیرڤان بارزانی یێ دبلۆماسی گهلهك ژ كێشێن ناڤخوه چارهكرن و ل بیرا جیهانێ ئینا كو پێشمهرگه تاكه هێز بوو یه نوونهراتیا جیهانێ كری و ب دژی داعش و د ری ب ریبوونا داعش دا راوهستا و شیا دهولهتا ئیسلامی یا ب ناڤێ داعش ژناڤببهت و شینوارێن وان ژی نههێلیت، ئێدى بهردهوام سهرۆكێ حوكمهتا ههرێما كوردسانێ ژ لایێ دهولهتێن زلهێز ڤهدهاته بانگێشكرن و بارزانی وهكه كهسهك كارێزما و دبلۆماسی ژ ههمی روویهكی بهرهڤانی ژ مافێن كوردان كرن و تا رادهیهك رهوش ئارامكر، ریفراندۆم ژ بۆ دیاركرنا سنۆران بوو ژبۆ دهولهتهك بناڤێ كوردستان بهێته دانان و ههر تاكهك ل ئاخا كوردستانێ ببیته خودان ناسناما خوه ب زمانێ كوردی و سنۆرێن كوردستانێ بهێنه دیاركرن و ببیته دهولهتهكا خودان دهستههلات و سنۆرێن كوردستانێ دیاركری دبن و د پاراستی بن نه ههر جار وهلاتهكێ جیران بهێت و سنۆران بهزینیت، لێ پشكهك ژ كوردان نه خواست و دهولهتێن جیهانێ ژی ههمی رێگر بوون ب تنێ ژمارهیهكا كێم نهبیت یا دهولهتان پشتهڤانی دیاركر، لێ ئهو ژی نه پشتهڤانیهك مهزن، سهرۆكێ ههرێما كوردستانێ ب ئیرادهیهك مهزن تهحهدایا ههمی جیهانێ كر و ریفراندۆم ل 25 ی ئهیلۆل جێبهجێكر، كو ئهڤه دبیته رۆژهكا دیرۆكی بۆ گهلێ كورد، یا خۆیایه دهولهتا كوردی بهێته دروستكرن دێ دهولهتهكا مهزن هێته دروستكرن و دهولهتهك بهێز نهك دهولهتهك ئاسایی ژبۆ ڤێ ئێكێ ژی نا خوازن دهولهتهك ب هێز ههبیت و پهیوهندیێن دبلۆماسی ل گهل دهولهتێن زلهێز دباشبن، ژ رویهكێ دی توركیا ل ههر لایهكێ جیهانێ كورد ههبن ب دژی وان راوهستایه، ئهڤجا چاوا ب دژی دهولهتبوونا كوردی نه راوهستیت و دیسا ترس ههبوو كوردێن پارچێن دن ژی یێن كوردستانێ داخوازا مافێ چارهنڤیس بكهن، كورد ژ ئهنجامدانا ریفراندۆمێ د پهشیمان نینن و شانازیێ پێ دبهن، چونكی ریفراندۆم تاكهرێیا سهربهخوهبوون و دهولهتبوونێ یه ههر چهند ب ئهنجام نهگههشتبیت، لێ پێنگاڤهك مهزن بوویه بۆ گهلێ مه.
