ریفراندۆم پرسه‌كا نشتیمانى یـه‌ … نـه‌ یا حزبى یــه‌!!

ریفراندۆم پرۆسه‌كه‌ د چارچوڤێ سیسته‌مێ دیمۆكراسه‌یتا سیاسى دا دهێته‌ په‌یره‌وكرن و تێدا ئه‌وى مافى دده‌ته‌ ملله‌تى بۆ پشكداریكرنێ د بریاره‌كا چاره‌نڤیس سازدا و رایا وان ب هه‌مى ئول و نه‌ته‌وه‌ڤه‌ دهێته‌ وه‌رگرتن، چونكی پرسه‌كا نشتیمانى یه‌ و دڤێت گه‌ل بریارێ ل سه‌ر بده‌ت نه‌كو كه‌سه‌ك یان لایه‌نك ب سه‌رێ خوه‌ ب تنێ ئه‌ڤێ بریارێ بده‌ت وه‌ك هنده‌ك كه‌س و لایه‌ن د ئه‌ڤى چارچوڤه‌ى دا ته‌ماشه‌ دكه‌ن و تێكه‌لى هنده‌ك بابه‌تێن ده‌مكى دكه‌ن وه‌ك ناكۆكیێن لایه‌نێن سیاسى یان ئه‌و قه‌یرانێن نوكه‌ هه‌ین و ئه‌ڤێ ده‌رفه‌رتا زێرین خاڤ دكه‌ن ل ده‌ف هنده‌ك كه‌سان و هنده‌ك ده‌زگایێن راگه‌هاندنێ ژى رۆله‌كێ زۆر خراب د ڤى واری دا دیتى یه‌ بۆ هنده‌ك مه‌ره‌مێن خوه‌ یێن روون و ئاشكرا و د هه‌مان ده‌م دا دئاماده‌نه‌ هه‌رده‌مێ ئه‌ڤ پرۆسه‌ ب سه‌ركه‌ڤیت ئێكسه‌ر خوه‌ لێ بكه‌نه‌ خودان و ب پرۆژه‌ و بیروكا خوه‌ بدانن و بده‌نه‌ دیاركرن كو ئه‌ڤه‌ پرسه‌كا نیشتیمانى یه‌! به‌لێ به‌رۆڤاژى ئه‌گه‌ر ئه‌ڤ پرۆسه‌ ب سه‌رنه‌كه‌ڤیت دێ ئێكسه‌ر شكه‌ستنا وێ بۆ كه‌سایه‌تیه‌كێ به‌رچاڤ و لایه‌نه‌كێ دیاركرى ده‌نه‌ زانین. ئه‌ڤه‌ ژى نه‌ یا سه‌یره‌ چونكى ئه‌و باش دزانن ئه‌و كه‌سایه‌تیه‌ ئه‌ڤرۆ سه‌رۆك و پێشمه‌رگێ كوردستانێ یه‌ و به‌رچاڤترین و ب هێزترین كه‌سایه‌تى و سه‌ركردێ نه‌ته‌وا كورد و كوردستانێ یه‌ و ئه‌و لایه‌نێ پێڤه‌ هاتیه‌ گرێدان هه‌لگرا رایا بزاڤا رزگاریخوازا گه‌لێ كوردستانى بوویه‌، د سه‌د سالێن بۆرى دا و خودان مه‌زنترین و پـر ده‌ستكه‌فتیترین شۆره‌شێن گه‌لێ كوردستانى یه‌ هه‌ر ژ شـــۆره‌شێن بارزان هه‌تا شوره‌شێن ئیلۆن و گولان و ده‌ستكه‌فتین ســـه‌رهلدانێ و شۆره‌شا ئاڤاكرنا كوردستانێ، بو ئه‌وێن ب خاڤى و دودلى ته‌ماشایى ئه‌ڤێ پرۆسێ دكه‌ن یان ب شێوه‌یه‌كێ رۆن و ئاشكرا دژایه‌تیا رێفراندومێ دكه‌ن دێ بێژمێ ریفراندوم ب تنێ نامه‌كا ڤه‌كرى یه‌ دێ هێته‌ هنارتن بۆ رایا گشتى یا ناڤخۆیى و جیهانى كو گه‌لێ كوردستانێ دڤێت وه‌لاته‌كێ سه‌ربه‌خۆ هه‌بیت و ئاماده‌یه‌ به‌رگریێ ژێ بكه‌ن و ژ وه‌لاتێن داگیركه‌ر جودا و رزگاربیت و ب ئازادیا خاك و سنوور و وه‌لات و ژیانا خو شاد بیت چونكى سه‌د سالن هاتینه‌ داگیركرن ب میّژوویه‌كا پرى زۆلم و زوردارى و بن پێ كرنا هه‌مى ماف و ئه‌ركێن ژیانێ و به‌هرا گه‌لێ كوردستانێ ژ ڤێ داگیركرنێ بتنێ كوشتن و تالان و ئه‌نفال و كیمیاباران كرن وێرانكرن بوویه‌.

کۆمێنتا تە