رێدار سترانا كەسەكێ دی كرە كوردی
شاهۆ فەرید:
سترانبێژ (رێدار نەسرەت) سترانەك ب ناڤێ ( هزر نەكە) بەلاڤكر و دبەرنامێ وی دایە هندەك سترانێن دی ژی تۆمار بكەت.
ناڤهاتی، د دیدارەكێ دا بۆ رۆژناما ئەڤرۆ گۆت: پەیڤیێن سترانی ژلایێ(بسپۆر مۆزیك) هاتینە دانان و ئاوازا وێ فارسیە، كارێ تۆماركرن و دابەشكرنا مۆزیكێ (تون) ستودیۆ هاتیە ئەنجام دان، ئەڤ سترانە یا هونەرمەندێ فارسی( ئێحسان دەریادلە) ب ناڤێ (تلخی) بەلاڤكربوو، ب سوپاسی ڤە هونەرمەندێ ناڤبری رازیبوو كو ئەڤێ سترانێ ڤەگوهێزین بۆ زمانێ كوردی و ماوەیەكێ درێژمامە پێڤە هەتا شیایم تشتەكێ جوان پێشكێشی حەزژێكەریێن دەنگێ خوە بكەم، پشتی بەلاڤ بووی ژی خەلكی پێشوازیەكا باش لێكر، هێزەك بۆ من پەیدا بۆ كارێن باشتر ئەنجام دەم، پیلانا من دایە ڤێ سترانێ بكەمە كلیپ ژی، مالباتا من هەموویان پالپشی من كرن، برایێ من بناری ژی ل گەل من زۆر ماندی بوو بۆ توماركرنا ڤێ سترانێ.
