رێزبه‌ندیا وه‌لاتێن ب له‌زترین ئه‌نترنێت هه‌یی ل جیهانی
ئه‌ڤرۆ:
ئامیرێن هه‌لگر نها رێیه‌كا گه‌له‌ك سه‌ركه‌فتی نه بۆ ب ده‌ست ڤه ئینانا ئه‌نترنێتێ، ب تایبه‌ت ژی مۆبایل و نها گه‌له‌ك ژ كارێن وه‌لاتیان پێ دهێته كرن ب تایبه‌ت ژی ل وه‌لاتێن پێشكه‌فتی.
Speedtest Intelligence ژ Ookla به‌رپرسه ژ ده‌ستنیشانكرنا له‌زاتیا ئه‌نترنێتێ ل سه‌ر ئاستێ جیهانێ و هه‌یڤانه ژی راپۆرته‌كێ ده‌رباره‌یی ب له‌زترین ئه‌نترنێت ل جیهانێ به‌لاڤ دكه‌ت.
د ڤێ رێزبه‌ندیا ئه‌و دكه‌ن دا، ئه‌نترنێتا 135 وه‌لاتێن جیهانێ تێست دكه‌ن كو ل سه‌ر ئاستێ ناڤنجی و باشتر ژ ناڤنجی دا دكه‌ن.
ب گۆره‌یی دووماهی رێزبه‌ندیا وان وه‌لاتێ ئیمارات ل رێزا ئێكێ دهێت ب 134.48 مێگابایت د چركێ دا. ب ڤێ چه‌ندێ ژی دبیته خودانا ب له‌زترین ئه‌نترنێت ل جیهانێ.
ل دووڤ وێ ژی وه‌لاتێ قه‌ته‌ر دهێت ب 129.36 مێگابایت د چركێ دا و وه‌لاتێ نه‌رویج ژی ل رێزا سیێ دهێت ب 116.17 مێگابایت د چركێ دا.
د رێزبه‌ندیا هه‌تا ده‌هێ ژی دا وه‌لاتێن وه‌كو كوریا باشوور و سعودی و كوێت و هۆله‌ندا و دانیمارك و بلگاریا و كرواتیا دهێن ئه‌ڤێن هێلا 5G. ب ره‌نگه‌كێ گه‌له‌ك باش لێ به‌ربه‌لاڤ بوویی.
