رێز ل هۆزانڤان و نڤیسەر ئەحمەد تاقانە هاتـە گـرتن
هەولێر، قائید میرۆ:
د رێورەسمەكی دا ل هۆلا پرتووكخانا پشكا رەوشنبیری و راگەهاندنا پارتی ب بەرهەڤبوونا دكتۆر سالار عوسمان، ئەندامێ كۆمیتا ناڤەندی و بەرپرسێ پشكا رەوشنبیری و راگەهاندنا پارتی رێز ل هۆزانڤان و نڤیسەر ئەحمەد تاقانەی هاتە گرتن.
دكتۆر سالار عوسمان، بەرپرسێ پشكا رەوشنبیری و راگەهاندنا پارتی د رێورەسمان دا گوتارەك پێشكەش كر و تێدا دیاركر، مامۆستا ئەحمەد تاقانە دو خەسلەتێن زۆر گرنگ و تژی بەها تێدا هەنە و گۆت: «ئەحمەد تاقانە ئێكە ژ وان نڤیسەرێن د بیاڤێن جودا دا ب كووری كار كاركریە و ئەگەر بەرێ خوە بدەینە بەرهەمێن نافهاتی زۆر ب هشیاری كار كریە، بەرهەمێن سەیدایێ ئەحمەد تاقانە نیشانێن ڤێ چەندێ نە پتر خوینەرە».
دكتۆر سالار عوسمان گۆتژی: «ئەحمەد تاقانە زاهیدبوون و خۆنەڤیانی كاركریە، هەرچەند بەرهەمێن مامۆستای دزۆرن، بەلێ نافهاتی یێ دووربوویە ژ میدیا و سۆشیال میدیایێ، ئەڤەژی خەسلەتێن مرۆڤێن مەزنن، ئەو بەرهەمداریا ئەحمەد تاقانە هەی خەسلەتەكێ تایبەتە و دشێین وەسا پێناسە بكەین، زۆرترین بەرهەم رامانا سەركەفتنا مەزنە».
د دووڤ دا ژیانا هۆزانڤان و نڤیسەر و وەرگێڕ ئەحمەد تاقانە ژ لایێ رێدار سابیر هاتە خواندن، هەر د رێوڕەسمێ دا ژ لایێ محەمەد حەمە باقی بەحسێ لایەنێ هزری و جڤاكیێ ئەحمەد تاقانە هاتە كرن و چەندین بڕگێن دیژی هاتنە پێشكەشكرن، ل دوماهیێ ژی ژ لایێ پشكا رەوشنبیری و راگەهاندنا پارتی خەلاتێ رێزلێنانێ پیشكەشی مامۆستا ئەحمەد تاقانە هاتە كرن.
