رێكا خەجۆكا سلیڤی
ژینێ رێكانی
سەمایا
هیڤیێن من
چارۆكا هەیڤێ ل خۆ پێچا
بدزیكیڤە
خۆ خشاندە
نهێنیێن
دپێلێن « زێی» دا
مۆریكێن ژ ستڤانكێن
نارینێن
ژ بەر عەشقێ
د هەمبێزا پێلان دا
پچیاین
كەت كەتە ڤێدان
هەر مۆریەكێ
سەرهاتیێن خەمگین
ڤەدگێران.
ل دوریانێن
رێڤنگ دحێبەتی
هەپارێ « گلگامشی»
سەرهاتیێن
رێڤنگێن عەشقێ
ب تەمبوورا « سەعید گاباری»
ژ كەزەبەكا
بریندار د ژەنی.
ئەز رێڤنگەكا
ژ ئقیانۆسا تاوانێ
بەر ب مەنفایەكا
زیندانكرنا رحێ دچم
خۆ دسپێرمە
هاتوباتا « خەجۆكا سلیڤی»
دەهمەنێن رۆژەكا
نوی دەرز هلدەم.
