رێكخراوا ساخله‌میا جیهانی: نابیت ڤیتامین D ب زێده‌هی بهێته خوارن
ئه‌ڤرۆ، به‌رپه‌رێ ساخله‌میێ:
پشتی به‌لاڤبوونا په‌ژیا كۆرۆنایێ و ژ بو په‌یداكرنا به‌رگریێ، خه‌لكه‌كێ زوور ده‌ست ب خوارنا ڤیتامین D كر، رێكخراوا ساخله‌میا جیهانی هوشداریێ ب زێده‌خوارنا وی دكه‌ت.
په‌یمانگه‌ها ساخله‌میا نیشتمانی ل نه‌ته‌وێن ئێكگرتی پشتراست دكه‌ت كو زێده‌خوارنا ڤیتامین D زیانێ ل ساخله‌میێ دكه‌ت و هه‌كه رێژا وی د خوینێ دا ژ 150 نانوگراما د ملیگرامان دا ده‌ربازبوو، دێ بیته ئه‌گه‌رێ عێلنجی و دلرابوون و بێهێزیا هه‌ستیان و نه‌مانا حه‌زا خوارنێ و تێهنیبوونه‌كا دژوار و كارتێكرنێ ل كارێ گولچیسكان و نه‌رێكخستنا لێدانێن دلی، هه‌روه‌سا نه‌دووره ببیته ئه‌گه‌رێ مرنێ د هنده‌ك ده‌مان دا.
رێكخراوا ساخله‌میا جیهانی هوشداریێ دده‌ت كو پێدڤیه نۆشدارێ چاره‌سه‌ركار بڕیارێ ل سه‌ر چاوانیا ب كارئینانا ڤیتامین D بده‌ت و نابیت كه‌س ل ده‌ڤ خوه بخۆت.
ئاژانسا ئۆرۆپی یا ده‌رمانان ژی د ڕاپورته‌كێ دا ل حه‌فتیا بۆری هاتیه به‌لافكرن، دیاردكه‌ت: ل نیڤا دوێ یا سالا بۆری هنده‌ك حاله‌تێن ب مه‌ترسی ل ده‌ڤ هنده‌ك زارۆك و دانعه‌مران هاتنه دیتن كو ژ ئه‌نجامێ زێده‌بوونا ڤیتامین D په‌یداببوون و دبێژیت: ئه‌ڤ ساله ژی ئه‌و حاله‌ت د زێده‌بوونێ دانه.
