رێكخراوا IHO داخوازیێن ئێزدیان پێشكێشی یونامی دكەت
ئەڤرۆنیوز،باسم قاسم شنگالی:
ئەڤرۆ پێنجشەمبی 13 ئیلۆنا 2018 رێكخراوا(IHO)یا چالاكیێن مەدەنی و چەند رێكخراوێن جڤاكێ سڤیل لگەل رێڤەبەرا نڤیسینگەها یونامی یا مافێ مرۆڤی ل عیراقێ ل پارێزگەها دهۆكێ كۆمبوون.
دكۆمبوونێ دا ب ئامادەبوونا رێڤەبەرا نڤیسینگەها یونامی یا مافێ مرۆڤی ل عێراقێ و رێڤەبەرا پاراستنا جڤاكێ سڤیل،”شازاد خدر”بەرپرسێ رێكخراوا(IHO) یا چالاكیێن مەدەنی بەحسێ رەوشا ئێزدیان ب شێوەیەكی گشتی و كێم و كاسیێن ل دەڤەرێن ئێزدینشین هەین كرن،زێدەباری چاوانیا ڤەكرنا رێیا شنگال بۆ دهۆك و ڤەگەریانا ئاواران و پێشهاتێن رەوشا شنگال.
دلایەكی دی دا بەحسێ خۆكوشتنا كچێن ئێزدی و رەوشا رزگاربوویان و كۆچكرنا ئێزدیان بۆ ژ دەرڤەی وەلاتی ئەگەر و چارەسەری و چەند پرسێن دی یێن گرێدایی رەوشا ئێزدیان كر.
ژ ئالیێ خۆڤە رێڤەبەرا نڤیسینگەها یونامی یا مافێ مرۆڤی داخوازیێن رێكخراوێ پێشكێشكرین بەرچاڤ وەرگرتن كو كار لسەر بكەن بۆ دیتنا رێگە چارەسەریان.
