رێكخراوەك: سالا بهێت ئابوورێ جیهانێ دێ وەکی بەرێ زڤریت
ئەڤرۆ نیوز:
رێكخراوا هەماهەنگیا ئابووری و گەشەپێدانێ، پیشبینی كریە ل سالا 2021ێ، ژ ئەگەرێ پەیدابوونا هندەك ڤاكسینێن دژی ڤایروسێ كۆرۆنایێ، ئابوورێ جیهانێ بزفریتەڤە بۆ ئاستێ بەری هاتنا ڤایروسێ كۆرۆنایێ، نێزیكبوونا دابەشكرنا ڤاكسینێ د جیهانێدا، پێنوینی پشكەك ژ بۆرسێن جیهانێ بلند كریە.
لۆرەنس بۆن، بسپورا مەزن یا ئابووری ل وێ رێكخراوێ د دەمێ پێشكێشكرنا راپۆرتەكێ سەبارەت ب ئەلندا ئابوورێ جیهانی گوتیە: بۆ ئێكەم جار پشتی بەلاڤبوونا ڤایروسێ كۆرۆنایێ، هیڤیا پاشەروژەكا گەشتر هەیە.
هەروەسا گۆتیە، ئەو پێشكەفتنێن د وارێ ڤاكسینێ و چارەسەریێن دیتر دا هاتینە کرن، بووینە ئەگەرێ بلند كرن و باشبوونا ئابووری، دیار كریە ژی، بۆ چەند هەیڤێن بهێت ژی پێدڤیە رێكارێن كونترۆلكرنا ڤایرۆسێ كۆرۆنا هەبن.
دیسان دیار كریە، ل دوماهییا سالا 2021 دێ ئابوورێ جیهانی ب رێژەیا 4.2% گەشە كەت.