رێككه‌فتنه‌كا نوو د ناڤبه‌را ئیرانێ و ئه‌مریكا دا دهێته‌ ئیمزا كرن

ئه‌ڤرۆ:

جۆزپ بۆریل به‌رپرسێ سیاسه‌تا ده‌رڤه‌ یا ئێكه‌تیا ئورۆپا دوهی راگه‌هاند كو هه‌تا دو رۆژێن دی ئیران و وه‌لاتێن ٥+١ دێ رێككه‌فتنه‌كا نوو ئیمزا كه‌ن و ل گۆر وێ رێككه‌فتنێ ژی دێ گه‌له‌ك داخوازیێن ئیرانێ هێنه‌ بجهئینان و دێ پشكه‌ك مه‌زن ژ سزایێن ئابووری یێن ل سه‌ر ئیرانێ هێنه‌ راكرن و دڤێت ئیران ژی پشكه‌ك مه‌زن ژ به‌رنامێن خوه‌ یێن ئه‌تۆمی بده‌ته‌ راگرتن و هه‌روه‌سا رێ بده‌ت كو به‌رپرسێن سازیا جیهانی یا ئه‌تۆمی سه‌ره‌دانا بنگه‌هێن ئه‌تۆمی یێن ئیرانێ بكه‌ن.

ل ئالیێ‌ دی وه‌زاره‌تا ده‌رڤه‌ یا ئیرانێ ژی راگه‌هاند كو هه‌كه‌ ئه‌مریكا پێگیریێ ب سۆزێن خوه‌ نه‌كه‌ت ره‌نگه‌ رێككه‌فتن نه‌هێنه‌ ئیمزا كرن و وه‌زاره‌تا ده‌رڤه‌ یا ئه‌مریكا ژی دیار كر دڤێت ئیران سۆزێن خوه‌ بجه بینیت هه‌كه‌ ئیران وه‌كو رێككه‌فتنا سالا 2015 بزاڤان بكه‌ت دێ ئه‌مریكا ب توندی ئیرانێ سزا ده‌ت.

کۆمێنتا تە