رێكهفتنا ئێكهتی و گۆران ب سپۆنسهریا ئیرانێ بهر ب كیڤه. ؟
روودانێن سیاسی ل ههرێما كوردستانێ رۆژ ب رۆژ گهرمترن، كو ههر جار ب مانشێتێن جودا، روودان بۆ روودانێ بهێزتر و سهرنجراكێشتره، لهورا دوورهێلهك یێ دروست بووی و دبێژنێ تێكهلبوونا كۆمهكا گرێیان كو بووینه ئاستهنگ و راستهراست سهر ههلداینه، ڤهكرن و چارهسهریا وان ژی ههتا رادهیهكێ ئهستهمه و تێدا پاشهرۆژ ژی یا بهرزهیه، ژبلی وێ قهیرانا دارایی و ئابووری ئهوا بوویه زمانحالێ ههر تاكهكێ كوردستانی، كو وهكو سهربۆرهكا زیانبهخش وهسف دكهن، بێی دیتنا چارهیا دهربازبوونێ. ، ههروهسا شهڕێ دژی تیرۆرستێن داعش و بهرخوهدانا پێشمهرگێن قارهمانێن كوردستانێ بۆ پاراستنا سنوور و ئاخا ههرێما كوردستانێ، كو ب دیتنا من چهوا بۆ جیهانێ ئهڤ بابهته یێ گرنگه دڤێت بۆ مه ژی گرنگترین و گهرمترین بابهتێ رۆژهڤێ بیت و ئهم ههمی ل سهر راوهستین و دهست ژ بهرژهوهندیێن خوه یێن تایبهت بهردهین و ههردهم دبهرههڤ و ئامادهبین بۆ ب داوی ئینان و نههێلانا شهڕێ دژی وێ رێكخراوا تیرۆرستی، داكو وهلاتێ مه د ئارامیهكا تهنا و جهگیر دا بیت، پاشی سهرهدهریێ دگهل ڤان روودانێن سیاسی یێن چاڤهرێكری بكهین و هزرێ ل چهوانیا سیستهمێ رێڤهبرنا دهستههلاتێ ل ههرێمێ بكهین و تووشی ململانهكا سیاسی یا دیمۆكراسی یا راستهقینه ببین.
ئهم دوور ناچین و دێ چینه سهر سهرهداڤێن مهرهم ب بابهتی، نه یا فهشارتیه هندهك لایهنێن سیاسی یێن ههرێما كوردستانێ بۆ جێبهجێكرنا حهز و فهرمانێن سیاسیێن دهرهكی و بۆ ب دهستڤهئینانا بهرژهوهندیێن خوه یێن تایبهت و بهرتهنگ و گههشتنا وهرگرتنا دهستههلاتێ بێی كو بهرژهوهندیا مللهتی بهرچاڤ وهربگرن و ئاساییشا نهتهوهیی گرنگیێ پێ بدهن و بپارێزن و ههلویستێ خوه یێ دروست بهرامبهر شهڕێ تیرۆرێ وهربگرن كو وهكو جیهانێ ئێك ژ گرنگترین تهوهر سهرهدهریێ دگهل بكهن، د ئاقارهكێ چێكری دا یێن تووشی ململانێیهكا سیاسی بووین، كو د ڤان روودانان دا هندهك ژ وان دبزاڤێن بهردهوام دانه بۆ بهرهنگاربوونا بهرهیێن دی، داكو ڤێ ئهزموونا پێشكهفتی یا بوویه دهریایهكا قوربانیدانێ و رۆژگارهكێ دوور و درێژێ خهبات و بهرخودانێ بهرهڤ پاشڤه ببهن و دیتنا وێ چریسكا پاشهرۆژا گهش ژی ڤهمرینن و دیرۆكێ دووباره بكهنهڤه، بهلگه ژی خویا دكهن كو ئهڤ جۆرێ بهرهنگاریێ، یێ بوویه هاندهرهكێ سهرهكی كو ئهزموون و پرۆسا سیاسی ل ههرێما كوردستانێ تووشی هندهك گرفت و ئالۆزیێن مهترسیدار بكهن، بۆ نموونه رێكهفتنا (ئێكهتی و گۆران)ێ، ب دیتنا من د ڤێ ههڤكێشا سیاسی دا، رێكهفتنهكا ناوچهگهری و بدهستڤهئینا پله و پۆستانه، و ب رهنگهكێ بهرچاڤ، پیلانهكا نخافتی یه بۆ دژایهتی و ماندهلكرنا پارتی دیمۆكراتی كوردستان، كو نهشیان ب چاڤ زقی دژایهتیا خوه دیار بكهن و كهربوكینا خوه برێژن، نهچاربوون چوونه د قولاچكێن تاڕی دا و رێكهفتنێن نخافتی دارێشتن، چونكی جودابوون و ڤهگهریان سیناریۆیهكا دارێشتیا پێشوهخته، ئهڤه ژی د سیاسهتێ دا كارهكێ رهوایه، ژبهركو سیاسهت هونهرێ پێچێبوونێ یه.
لهورا ئهز نابینم ئهڤ رێكهفتنه بچیته د چارچۆڤێ بهرژهوهندی و خزمهتكرنا مللهتی و وهلاتی دا، دیسان ب چ شێوهیهكی نابینم ئهڤ رێكهفتنه ببیته رێكهفتنهكا مێژوویی بۆ رێكخستنا ناڤمالا كوردی و ئێكبوونا گۆتارا سیاسی، بهرۆڤاژی ئهڤ رێكهفتنه دژی چارهسهریا پرۆسا سیاسی یه ل ههرێما كوردستانێ و ژلایهكێ دیڤه بۆ خۆراگرتن و ڤهمانا بزاڤا (گۆران)ێ یه، د گۆڕهپانا سیاسی یا ههرێما كوردستانێ دا، لهورا هاندهرهكێ دی یه ژبۆ تێكدان و بهرهڤ رهوشهكا ئالۆزتر، ب دیتنا من ئهڤ رێكهفتنه ب سپۆنسهریا وهلاتهكێ دهرهكی یه كو ئهو ژی ئیرانه، ب تایبهتی ژی بۆ راگرتن و نههێلانا ئهنجامدانا ریفراندۆمێ و نهراگههاندنا دهولهتا كوردی، چونكی ریفراندۆم و راگههاندنا دهولهتا كوردی بۆ وهلاتێ ئیرانێ جۆرهكێ كارهساتایه دیسان ئهڤ رێكهفتنه دژی ئهنجامدانا چاكسازیێن ریشهیی یه، كو نها د رۆژهڤا كوردستانێ دا ئهڤ دو بابهته ژی دگهرم و گرنگن ئهو ژی ب تنێ د بهرنامهیێ (پارتی دیمۆكراتی كوردستان) دایه، لهورا ئهڤ جۆره رێكهفتنه بۆ بهرهنگاربوون و دژایهتیكرنا پارتی یه، چونكی وهكو پرهنسیب، هندهك ژ خالێن وێ رێكهفتنێ وهها خویا دكهن كو داكۆكیكرنه ل سهر ئێكبوونا ههر دو ئالیان دژی ئیداره و ئارمانج و حهزێن ئالیێ دی، ب تایبهت د شێوێ حكومرانی و یاسایا سهرۆكاتیا ههرێمێ دا كو ب ئێك بریار بشێن ههڤسهنگیا ههڤكێشا سیاسی یا ههرێما كوردستانێ بگهۆرن و بهرهڤ سهما بهرژهوهندیێن خوه ببهن، لهورا دبێژم ههمی مهرهما سهروبهندێن ڤێ رێكهفتنێ رهوشا ئهزموونا مه یا دیمۆكراسی و سیاسی ب ههمی رهههند و ئاسویێن خوهڤه بهرهڤ پارچهكرنهكا ههری مهترسیدار ببهت، ئهو ژی پارچهكرنا كوردستانا بریندار و پارچهكری یه.
