رێكێش ئامێدی زڤری وارگه‌هێ خوه
دهۆك، هه‌رهین محه‌مه‌د:
رێكێش ئامێدی، پێشكێشكارێ به‌رنامێ كانیا فۆلكلۆری ل رادیۆیا دهۆك، د دیداره‌كێ دا بۆ رۆژناما ئه‌ڤرۆ گۆت: ل سالا 2020 من خاترا خوه خاست ژ رادیۆیا دهۆك كربوو، به‌لێ من گۆت بوو كو ئه‌ڤه نه خاترخاستنا دووماهیێ یه و دێ زڤرمه‌ڤه و جاره‌كا دی دێ به‌رده‌وامیێ ب به‌رنامێ (كانیا فۆلكلۆری) ده‌م.
زێده‌تر گۆت: د خه‌له‌كا ئێكێ دا دێ بیرۆ بوچوونێن گوهداران وه‌رگرم، چونكو سال بۆ سال ته‌كنه‌لۆژیا یا پێش دكه‌ڤیت كا ب چو ره‌نگ ئه‌و رازی دبن بۆ من یا زه‌حمه‌ت نینه و یاژ من بهێت دێ كه‌م، ژبه‌ركو هنده‌ك تشت هاته گوهۆرین ب تایبه‌ت ئه‌م په‌یوه‌ندیان وه‌ردگرین ژ وه‌لاتێن بیانی ژی كورد یێن ل هه‌موو وه‌لاتا هه‌ین و پشتی رادیۆیا دهۆك بوویه رادیۆیا گاردن و پشكداری د رادیۆیا گاردن دا كری یا جیهانی ئه‌و ژی پێنگاڤه‌كا دی بوو، بزاڤێ دكه‌م پتر تشتێ فۆلكلۆری بده‌مه دیاركرن ل گه‌ل كه‌له‌پۆری و به‌ری نوكه بتنێ فۆلكلۆر بوو، د ده‌مه‌كی دا ل ته‌له‌ڤزیۆنا ڤین تیڤی و وار تیڤی من گۆته وان دێ سترانێن فۆلكلۆری و كوچكودیوانان ژ ده‌ستپێكێ هه‌تا دووماهیێ به‌ری نوكه من ئاماده‌كارێن خوه كربوون و من سترانبێژ نه‌ئینایه بتنێ بۆ من باخڤیت و به‌ری نوكه ژی من دیتیه و هه‌ر سترانه‌كێ ژی سی َهه‌یڤان من ل سه‌ر كاركریه، بۆ نموونه سترانا ئه‌حمه‌دێ مالا موسایی و حه‌سه‌نێ مالا موسای و پشتی من گوهداریا وان سترانبێژان كری سیه و سێ كه‌سان گۆتیه حه‌سه‌نێ مالا موسایی بتنی َدو سترانبێژا گۆتینه ئه‌حمه‌دێ مالا موسایی و دێ ته‌ماشه‌كه‌م كا كیژ هه‌موو یان پتر گۆتیه ئه‌و یا دروسته و دیسان سترانا زه‌مبیل فرۆش بوچوونه‌ك دبێژیت ئه‌جنا زه‌مبیل فرۆش دزی و بر و بۆچوونه‌كا دی دبێژیت زه‌مبیل فرۆش خوه خلاس دكه‌ت ژ ده‌ستێ گۆلێ دا گونه‌هبار نه‌بیت، چونكو تۆ به‌دارێ َخودێ بوو، ئه‌م دێ وی َدانین یا دروست ئه‌وا پتر نێزیكی مێشكی.
