رێوره‌سمێن باشترینێن سالێ بۆ تیمێن مللی برێڤه چوو
زاخۆ، عه‌لی حاجی :
د رێ و ره‌سمه‌كێ تایبه‌ت دا بۆ سالا دووێ ل دووڤ ئێك ناڤه‌ندا بالا ل زاخۆ باشترین تیم و یاریزانێن تیمێن مللی ل زاخۆ بۆ سالا 2019 ده‌ست نیشان كرن و چه‌ندین خه‌لات ل سه‌ر سه‌ركه‌ڤتیان هاتنه به‌لاڤ كرن .
حكمه‌ت محه‌مه‌د به‌رپرسێ ناڤه‌ندا ل زاخۆ بۆ روژناما ئه‌ڤرۆ گوت: (بۆ سالا دووێ ل دووڤ ئێك ئێكه‌تیا لاوێن دیموكراتا كوردستانێ ناڤه‌ندا بالا رادبین ب ئه‌نجامدانا رێ و ره‌سمێن باشترین یاریزان و تیمێن مللی ل سه‌ر ئاستێ تازه پێگه‌هشتی و لاوان و پێشكه‌ڤتیان ل زاخۆ كو بۆ ئێكه‌م جاره ل سه‌ر ئاستێ كوردستانێ بۆ تیمێن مللی كاره‌كێ ب ڤی ره‌نگی دهێته كرن و د ڤان رێ و ره‌سمان دا باشترین یاریزان و باشترین یاریزان ل هه‌می هێلێن دیتر دهێنه ده‌ست نیشان كرن ل سه‌ر هه‌می ئاستان و ئه‌ڤه ژی بۆ وێ چه‌ندێ یه دا كو تیمێن مللی نه‌هێنه پشتگوه خستن) .
ناڤهاتی دیار ژی کر د به‌رنامه‌یێ مه‌دایه ڤان رێ و ره‌سمان سالانه ئه‌نجام بده‌ین و ئه‌ڤ هزره ژلایێ ماموستایه‌كێ وه‌رزشی ڤه ل زاخۆ هاتیه دانان و مه ژی خوه ل ڤێ چه‌ندێ كره خودان و ئه‌ڤ كاره دێ بیته رێ خوه‌شكه‌ره‌ك ژی یانه‌یێن پارێزگه‌ه چاڤ خشاندنه‌كێ ل ڤان یاریزانان بكه‌ت دا كو مفایی ژ شیانێن وان وه‌ربگرن و ل سه‌نته‌رێ زاخۆ 150 تیمێن مللی هه‌نه و هه‌ژماه‌ركا تیمێن باش ژی هه‌نه .
