رێژا دروستکرنا رەژیێ بەر ب نەمانێ ڤە چوویە
ئەڤرۆ نیوز، بارزان مزووری:
عەقید ئیحسان حسێن رێڤەبەرێ دارستان و ژینگەھا شێخان بۆ ئەڤرۆ نیوز دیار کو رێژا دروستکرنا رەژیێ بەرەڤ نەمانێ چوویە ل دەڤەرا ئەتروش ژ بەر کو سالا بوری ژمارەکا وان کەسێن کارێ دروستکرنا رەژیێ دکرن ھاتن دەستەسەرکرن بۆ دادگەھێ ھاتنە رەوانەکرن بێی کو رێنمایێن حکومەتێ وان کەسا کارێ رەژیێ دکر ب شێوەیەکێ نە یێ فەرمی ب قاچاغی ئەڤ کارێ سوتنا دارا دکرن، بەری ڤان بریارێن حکومەتێ رێژا دروستکرنا رەژیێ بەرەڤ زێدەبوونێ چوبوو لێ ئەڤسالە بەرەڤ نەمانێ چوویە.
ناڤھاتی دیار ژی کر کو ئەو کەسێن ڤی کاری دکەن سەرەدانە مە دکەن دەستیری بۆ وان دھێتە دان کو ماوێ دو ھەیڤا ب تنێ دشێت کاری ب وێ دەستیریێ بکەت بتنێ بۆ سوتنا دارێن ھشک و یێن تەر قەدەغەیە.
