رێژا کوردان د ناڤا سەرکردایەتیا هەدەپێ دا کێم دبیت
ئەڤرۆ نیۆز، هۆشەنگ تاجر:
دوهی ئایهان بیلگەن سەرۆکێ کۆما هەدەپێ ل پەرلەمانێ تورکیا راگەهاند کو دێ دەستان ژ کارێ خوە بەردەم چونکو وەکو پێدڤی من نەشیایە ئەرکێن خوە بجه بینم و داخوازا لێبۆرینێ ژ دەنگدەرێن خوە دکەم.
د ڤێ دەربارێ دا محەمەد باتمانی ئێک ژ ئەندامێن هەدەپێ بۆ ئەڤرۆ نیۆز دیار کر کو پشتی سەلاحەدین دەمیرتاش دەست ژ هەڤسەرۆکاتیا هەدەپێ بەردا رێژا کوردان د ناڤ سەرکردایەتیا هەدەپێ دا کێم بوویە، ژ بەر هندێ ژی حەسیپ قەپلان ئێک ژ سەرکردێن بەرێ یێ هەدەپێ نەدخواست کەسەکێ تورک ببیتە هەڤسەرۆکێ هەدەپێ و ژ هەدەپێ جودا بوو و گۆت: (مخابن نها رێژا کوردان د ناڤ سەرکردایەتیا هەدەپێ دا کێم دبیت و چەپێن تورک پێگەهێ خوە بهێز دکەن و هەکە وەسا بیت دێ رێژا دەنگێ هەدەپێ د هەلبژارتنێن داهاتی دا کێمتر بن و پرانیا ئەندامێن هەدەپێ ژ سیاسەتا سەزایی تەمەلی هەڤسەرۆکێ هەدەپێ کو ب ئەسلێ خوە تورکە رازی نینن).
